زیارت : دو سرکاری صحت مراکز شہدائے پولیس کے نام سے منسوب کرنے کا فیصلہ

وزیراعلیٰ بلوچستان کی ہدایت پر زیارت میں رورل ہیلتھ سینٹر احمدون اور بی ایچ یو کاوس غربی کے نام شہدائے پولیس کے نام سے منسوب کیے جائیں گے۔ سیکریٹری صحت کو دونوں عمارتوں کے ناموں کی تبدیلی کی منظوری کے لیے کیس فوری طور پر مجاز اتھارٹی کو بھجوانے کی ہدایت کی گئی ہے۔

کوئٹہ: وزیراعلیٰ بلوچستان میر سرفراز بگٹی کی ہدایت پر ضلع زیارت میں محکمہ صحت کی دو سرکاری عمارتوں کے نام شہدائے پولیس کے نام سے منسوب کرنے کا فیصلہ کیا گیا ہے۔

وزیراعلیٰ بلوچستان کے پرنسپل سیکریٹری عمران زرکون کی جانب سے سیکریٹری صحت کو ارسال کیے گئے مراسلے کے مطابق رورل ہیلتھ سینٹر احمدون کا نام تبدیل کرکے "شہید کانسٹیبل اظہر احمد احمد دمڑ رورل ہیلتھ سینٹر، احمدون، زیارت" رکھا جائے گا۔

اسی طرح بی ایچ یو کاوس غربی کا نام تبدیل کرکے "شہید فرید اللہ بی ایچ یو کاوس غربی، زیارت" رکھا جائے گا۔

مراسلے میں سیکریٹری صحت کو ہدایت کی گئی ہے کہ دونوں سرکاری عمارتوں کے نام تبدیل کرنے کا کیس مجاز اتھارٹی سے منظوری کے لیے فوری طور پر پیش کیا جائے۔

حکومت بلوچستان کے مطابق یہ اقدام زیارت کے شہدائے پولیس کی عظیم قربانیوں کو خراجِ تحسین پیش کرنے اور ان کی یاد کو ہمیشہ زندہ رکھنے کے لیے کیا جا رہا ہے