وزیراعلیٰ بلوچستان کی زیرِ صدارت بی ٹیوٹا اجلاس، نوجوانوں کیلئے جدید فنی تربیت پر زور

کوئٹہ میں وزیراعلیٰ بلوچستان میر سرفراز بگٹی کی زیرِ صدارت بی ٹیوٹا بورڈ کا دسواں اجلاس منعقد ہوا، جس میں فنی تعلیم، ادارہ جاتی اصلاحات اور نوجوانوں کیلئے روزگار کے مواقع بڑھانے سے متعلق اہم فیصلے کیے گئے۔ اجلاس میں جدید ٹیکنالوجی اور مارکیٹ بیسڈ ٹریننگ پروگرامز متعارف کرانے پر اتفاق کیا گیا جبکہ اوورسیز یوتھ ایمپلائمنٹ پروگرام کا بھی جائزہ لیا گیا۔

رپورٹ: سیدہ نتاشا
کوئٹہ میں وزیر اعلیٰ بلوچستان میر سرفراز بگٹی کی زیرِ صدارت بلوچستان ٹیکنیکل ایجوکیشنل اینڈ ووکیشنل ٹریننگ اتھارٹی، بی ٹیوٹا بورڈ کا دسواں اجلاس منعقد ہوا، جس میں ادارہ جاتی اصلاحات، مالی نظم و ضبط اور پیشہ ورانہ تعلیم کے فروغ سے متعلق اہم فیصلے کیے گئے

۔اجلاس میں نوجوانوں کو بااختیار بنانے کے لیے جدید ٹیکنالوجی اور مارکیٹ بیسڈ ٹریننگ پروگرامز متعارف کرانے پر اتفاق کیا گیا۔ وزیر اعلیٰ بلوچستان نے ہدایت دی کہ پیشہ ورانہ تربیت کے اداروں کو جدید خطوط پر استوار کرکے نوجوانوں کو عالمی معیار کی مہارتیں فراہم کی جائیں تاکہ وہ بین الاقوامی مارکیٹ کے تقاضوں سے ہم آہنگ ہو سکیں۔اجلاس کے دوران اوورسیز یوتھ ایمپلائمنٹ پروگرام کا بھی جائزہ لیا گیا، جبکہ سست روی کا مظاہرہ کرنے والی فرمز کے خلاف کارروائی اور بیرون ملک بھیجے گئے نوجوانوں کو درپیش مسائل کے فوری حل کی ہدایت بھی جاری کی گئی۔
میر سرفراز بگٹی کا کہنا تھا کہ ہر فرد کو سرکاری ملازمت دینا ممکن نہیں، اس لیے تکنیکی تعلیم اور ہنرمندی کے فروغ کے ذریعے نوجوانوں کے لیے روزگار کے بہتر مواقع پیدا کرنا وقت کی اہم ضرورت ہے۔

#Balochistan #BTVETA #MirSarfrazBugti #TechnicalEducation #YouthEmpowerment #SkillDevelopment #VocationalTraining #Employment #Quetta #OverseasJobs #BalochistanGovernment #YouthSkills