خضدار حملہ: صوبائی وزیر ضیاء اللہ لانگو کی شدید مذمت، دہشت گردوں کے خلاف سخت کارروائی کا اعلان

صوبائی وزیر میر ضیاء اللہ لانگو نے خضدار میں میر شفیق الرحمٰن مینگل کے گھر پر دہشت گرد حملے کی شدید مذمت کرتے ہوئے کہا کہ امن دشمن عناصر اپنے مذموم عزائم میں کامیاب نہیں ہوں گے۔ انہوں نے کہا کہ واقعے میں ملوث عناصر کی گرفتاری کے لیے سرچ آپریشن جاری ہے اور بلوچستان میں ہر صورت امن و امان برقرار رکھا جائے گا۔

کوئٹہ: صوبائی وزیر میر ضیاء اللہ لانگو نے خضدار میں میر شفیق الرحمٰن مینگل کے گھر پر ہونے والے دہشت گرد حملے کی شدید مذمت کرتے ہوئے کہا ہے کہ امن دشمن عناصر اپنے مذموم عزائم میں کبھی کامیاب نہیں ہوں گے۔

اپنے بیان میں انہوں نے کہا کہ بلوچستان کے عوام، قبائل، سیکیورٹی فورسز اور قانون نافذ کرنے والے ادارے دہشت گردی کے خلاف متحد ہیں اور دشمن قوتوں کو کسی صورت معاف نہیں کیا جائے گا۔

میر ضیاء اللہ لانگو نے کہا کہ سیکیورٹی ادارے دہشت گردوں کے خلاف مؤثر کارروائیاں کر رہے ہیں، جبکہ خضدار واقعے میں ملوث عناصر کی گرفتاری کے لیے سرچ آپریشن جاری ہے۔

انہوں نے کہا کہ بلوچستان میں ہر صورت امن و امان برقرار رکھا جائے گا۔ ان کا کہنا تھا کہ دہشت گردی کے خلاف جنگ میں پوری قوم متحد ہے اور امن دشمن عناصر کی تخریبی کارروائیوں کو سیکیورٹی فورسز اور عوام کے باہمی تعاون سے ناکام بنایا جائے گا۔