وزیر اعلیٰ بلوچستان میر سرفراز بگٹی کی پاک بحریہ کی جانب سے ایل وائی 80 دفاعی میزائل کے کامیاب تجربے پر قوم کو مبارکباد

وزیر اعلیٰ بلوچستان میر سرفراز بگٹی نے پاک بحریہ کی جانب سے جدید ایل وائی 80 دفاعی میزائل کے کامیاب تجربے پر خوشی کا اظہار کرتے ہوئے پوری قوم کو مبارکباد دی ہے۔ انہوں نے پاکستانی سائنسدانوں، انجینئرز اور پاک بحریہ کی پیشہ ورانہ مہارت کو سراہتے ہوئے اسے ملکی دفاع کے لیے ایک اہم سنگِ میل قرار دیا۔

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے پاک بحریہ کی جانب سے جدید ایل وائی 80 (LY-80) دفاعی میزائل کے کامیاب تجربے پر مسرت کا اظہار کرتے ہوئے پوری قوم کو مبارکباد پیش کی ہے۔
اپنے ایک بیان میں وزیر اعلیٰ بلوچستان نے کہا کہ ایل وائی 80 دفاعی میزائل کا کامیاب تجربہ پاکستانی سائنسدانوں، انجینئرز اور افواجِ پاکستان کی اعلیٰ پیشہ ورانہ صلاحیتوں کا منہ بولتا ثبوت ہے۔ انہوں نے اس کامیابی میں شامل تمام پاکستانی سائنسدانوں، انجینئرز اور پاک بحریہ کے افسران و جوانوں کو خراجِ تحسین پیش کیا۔

میر سرفراز بگٹی نے کہا کہ پاکستانی سائنسدان جدید دفاعی ٹیکنالوجی میں کسی سے پیچھے نہیں اور دفاعی میدان میں ان کی کامیابیاں پوری قوم کے لیے باعثِ فخر ہیں، جن کا اعتراف عالمی سطح پر بھی کیا جا رہا ہے۔
انہوں نے مزید کہا کہ پاک بحریہ نے ہمیشہ قومی سلامتی کے تحفظ میں کلیدی اور مؤثر کردار ادا کیا ہے اور افواجِ پاکستان، سائنسدانوں اور انجینئرز کی انتھک محنت کے باعث پاکستان کا دفاع مضبوط اور ناقابلِ تسخیر ہے۔