ضلع ہرنائی میں کامیاب انٹیلیجنس بیسڈ آپریشن، وزیر اعلیٰ بلوچستان کی سیکورٹی فورسز کو خراجِ تحسین

وزیر اعلیٰ بلوچستان میر سرفراز بگٹی نے ضلع ہرنائی میں انٹیلیجنس بیسڈ آپریشن کے دوران 41 بھارتی اسپانسرڈ دہشت گردوں کی ہلاکت اور بھاری ہتھیاروں کی برآمدگی کو سیکورٹی فورسز کی اعلیٰ پیشہ ورانہ صلاحیتوں کا مظہر قرار دیا۔ انہوں نے کہا کہ صوبے میں دہشت گردی کے خاتمے، کرپشن کے انسداد اور میرٹوکریسی کے فروغ کے لیے مؤثر اقدامات جاری ہیں۔

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے ضلع ہرنائی میں سیکورٹی فورسز کی جانب سے کیے گئے کامیاب انٹیلیجنس بیسڈ آپریشن کو ایک بڑی کامیابی قرار دیتے ہوئے کہا ہے کہ اس کارروائی کے دوران 41 بھارتی اسپانسرڈ دہشت گردوں کی ہلاکت اور بھاری ہتھیاروں و گولہ بارود کی برآمدگی سیکورٹی فورسز کی پیشہ ورانہ مہارت اور اعلیٰ کارکردگی کا واضح ثبوت ہے۔

وزیر اعلیٰ نے کہا کہ بلوچستان میں دہشت گردی کے خلاف بھرپور کارروائیاں جاری ہیں اور صوبے میں امن کے قیام کے لیے زیرو ٹالرنس پالیسی پر سختی سے عملدرآمد کیا جا رہا ہے۔ ان کا کہنا تھا کہ ریاست دشمن عناصر کے خلاف مؤثر اقدامات بلوچستان میں امن، ترقی اور استحکام کی ضمانت ہیں۔
میر سرفراز بگٹی نے مزید کہا کہ صوبائی حکومت کرپشن کے خاتمے، میرٹوکریسی کے فروغ اور قانون کی بالادستی کے لیے سنجیدہ اور عملی اقدامات کر رہی ہے۔ انہوں نے دہشت گردی کے خلاف جنگ میں سیکورٹی فورسز کی قربانیوں کو قابلِ تحسین قرار دیتے ہوئے فورسز کے جوانوں اور افسران کو خراجِ عقیدت پیش کیا۔