وزیراعلیٰ بلوچستان کی قائداعظم ریذیڈنسی زیارت آمد، 149ویں یومِ پیدائش پر پرچم کشائی

قائداعظم محمد علی جناحؒ کے 149ویں یومِ پیدائش کے موقع پر وزیراعلیٰ بلوچستان میر سرفراز بگٹی نے قائداعظم ریذیڈنسی زیارت میں پرچم کشائی کی تقریب میں شرکت کی اور بابائے قوم کی قومی خدمات کو خراجِ عقیدت پیش کیا۔

رپورٹ: سیدہ نتاشا

قائداعظم محمد علی جناحؒ کے 149ویں یومِ پیدائش کے موقع پر قائداعظم ریذیڈنسی زیارت میں پرچم کشائی کی ایک پروقار تقریب منعقد کی گئی۔ تقریب میں مہمانِ خصوصی وزیراعلیٰ بلوچستان میر سرفراز بگٹی تھے۔
تقریب کے دوران وزیراعلیٰ بلوچستان نے قومی پرچم لہرایا اور بابائے قوم قائداعظم محمد علی جناحؒ کی جدوجہد، قیادت اور ملکِ پاکستان کے قیام کے لیے بے مثال خدمات کو خراجِ عقیدت پیش کیا۔ انہوں نے اس موقع پر اپنے پیغام میں کہا کہ قائداعظمؒ کے اصول ایمان، اتحاد اور تنظیم آج بھی قوم کے لیے مشعلِ راہ ہیں

۔
تقریب میں کور کمانڈر بلوچستان، انسپکٹر جنرل پولیس بلوچستان، صوبائی وزراء، اعلیٰ سول و عسکری حکام اور دیگر معزز شخصیات نے شرکت کی۔ شرکاء نے قائداعظمؒ کی قربانیوں اور قومی خدمات کو یاد کرتے ہوئے ان کے افکار پر عمل پیرا ہونے کے عزم کا اظہار کیا۔