وزیر اعلیٰ بلوچستان کا فتنہ انگیز عناصر کو دوٹوک پیغام، آپریشن ردّ الفتنة کا دفاع

وزیر اعلیٰ بلوچستان میر سرفراز بگٹی نے سماجی رابطے کی سائٹ ایکس پر اپنے بیان میں کہا ہے کہ آپریشن ردّ الفتنة بلوچستان میں خونریزی اور بدامنی پھیلانے والوں کے لیے واضح پیغام ہے۔ انہوں نے بی ایل اے کو فتنہ قرار دیتے ہوئے کہا کہ ریاست پاکستان اپنی سلامتی، ترقی اور عوام کے تحفظ پر کوئی سمجھوتہ نہیں کرے گی۔

رپورٹ: سیدہ نتاشا

وزیر اعلیٰ بلوچستان میر سرفراز بگٹی نے سماجی رابطے کی سائٹ ایکس پر جاری اپنے بیان میں کہا ہے کہ آپریشن ردّ الفتنة بلوچستان میں خونریزی اور انتشار پھیلانے والوں کے لیے ایک واضح اور دوٹوک پیغام ہے۔

وزیر اعلیٰ کا کہنا تھا کہ بی ایل اے ایک فتنہ ہے جو معصوم شہریوں اور مزدوروں کو نشانہ بناتا ہے اور بھارت کے اشاروں پر پاکستان کی ترقی میں رکاوٹ ڈال رہا ہے۔ انہوں نے واضح کیا کہ پاکستان اپنی وحدت، ترقی اور عوام کے تحفظ پر کسی قسم کا سمجھوتہ نہیں کرے گا۔
میر سرفراز بگٹی نے کہا کہ فتنہ انگیزی کی ہر کوشش کا مؤثر اور فیصلہ کن جواب دیا جائے گا۔ ان کا کہنا تھا کہ ریاست الحمدللہ مضبوط ہے اور قوم متحد ہے، پاکستان کے خلاف اٹھنے والا ہر ہاتھ قانون کے مطابق اور پوری طاقت سے توڑا جائے گا۔
وزیر اعلیٰ بلوچستان نے اس عزم کا اعادہ کیا کہ صوبے میں امن و امان کے قیام اور عوام کے جان و مال کے تحفظ کے لیے حکومت تمام تر وسائل بروئے کار لائے گی۔