یورپی یونین کے وفد کا بلوچستان اسمبلی کی پبلک اکاؤنٹس کمیٹی کا دورہ

یورپی یونین کے مستحکم پارلیمان پروجیکٹ کے وفد نے بلوچستان اسمبلی کی پبلک اکاؤنٹس کمیٹی کا دورہ کیا، جہاں انہیں پی اے سی کے منفرد پیپر لیس سافٹ ویئر سسٹم پر بریفنگ دی گئی۔ چیئرمین پی اے سی اصغر ترین نے بتایا کہ یہ نظام کمیٹی کے امور کو مؤثر، شفاف اور جدید بنانے میں اہم کردار ادا کر رہا ہے اور پاکستان میں اپنی نوعیت کا واحد فعال نظام ہے۔ اجلاس میں اسمبلی اور آڈٹ کے اعلیٰ حکام نے بھی شرکت کی۔

رپورٹ: سیدہ نتاشا
مستحکم پارلیمان پروجیکٹ آف یورپی یونین کے وفد نے بلوچستان اسمبلی کی پبلک اکاؤنٹس کمیٹی کا دورہ کیا جہاں وفد کو پی اے سی اور اس کے منفرد پیپر لیس سافٹ ویئر سسٹم سے متعلق بریفنگ دی گئی، جو اس وقت پاکستان میں اپنی نوعیت کا واحد فعال نظام ہے۔ چیئرمین پی اے سی اصغر ترین نے کمیٹی کے افسران اور عملے کے ہمراہ وفد کو آگاہ کیا کہ یہ نظام کمیٹی کے امور کو مؤثر بنانے، طریقۂ کار میں بہتری، محکموں کے ساتھ رابطے کو آسان بنانے اور دفتری معاملات کو پیپر لیس ماحول میں منتقل کرنے میں اہم کردار ادا کر رہا ہے۔

اجلاس میں سیکرٹری بلوچستان اسمبلی طاہر کاکڑ، سینئر کنسلٹنٹ راحیلہ سعد، ڈائریکٹر جنرل آڈٹ ، ایڈیشنل سیکرٹری پی اے سی سمیت صوبائی کوآرڈینیٹر فاطمہ ننگیال نے بھی شرکت کی، جبکہ یہ دورہ عوامی بجٹ کی نگرانی میں شفافیت، موثریت اور احتساب کے فروغ کے لیے ڈیجیٹل گورننس ٹولز اپنانے میں پی اے سی بلوچستان کے قائدانہ کردار کو اجاگر کرتا ہے۔