ایف سی بلوچستان کی بڑی کارروائی، انسانی اسمگلنگ کی کوشش ناکام، 140 غیر قانونی افغان شہری گرفتار

نوکنڈی: ایف سی بلوچستان (ساؤتھ) تفتان رائفلز نے بروقت کارروائی کرتے ہوئے مبینہ انسانی اسمگلنگ کی ایک بڑی کوشش ناکام بنا دی۔ مختلف مقامات پر قائم ناکہ بندیوں کے دوران 140 غیر قانونی افغان شہریوں کو گرفتار کیا گیا، جبکہ اسمگلنگ میں استعمال ہونے والی متعدد گاڑیاں بھی تحویل میں لے لی گئیں۔

سیکیورٹی حکام کے مطابق گرفتار افراد اور ضبط شدہ گاڑیوں کو مزید قانونی کارروائی کے لیے پولیس کے حوالے کر دیا گیا ہے۔ حکام کا کہنا ہے کہ انسانی اسمگلنگ ایک سنگین جرم ہے، جس کے خلاف زیرو ٹالرنس پالیسی کے تحت بلا امتیاز کارروائیاں جاری ہیں۔

ایف سی بلوچستان (ساؤتھ) کے مطابق بلوچستان کے سرحدی علاقوں میں غیر قانونی آمدورفت، انسانی اسمگلنگ اور دیگر غیر قانونی سرگرمیوں کی روک تھام کے لیے انٹیلی جنس بنیادوں پر آپریشنز تسلسل کے ساتھ جاری ہیں۔

ترجمان نے کہا کہ ملکی سرحدوں کے تحفظ، قانون کی عملداری اور غیر قانونی سرگرمیوں کے خاتمے کے لیے متعلقہ قانون نافذ کرنے والے اداروں کے ساتھ مشترکہ کارروائیاں آئندہ بھی مؤثر انداز میں جاری رکھی جائیں 

Keywords : Human Smuggling , FC Balochistan South, Illegal Afghan Nationals, Nokkundi Operation