اورماڑہ میں غیر قانونی ٹرالنگ کی کوشش ناکام، محکمہ فشریز کی کامیاب کارروائی۔

اورماڑہ میں محکمہ فشریز نے غیر قانونی ٹرالنگ کی کوشش ناکام بناتے ہوئے مافیا کو پسپا کر دیا۔ فائرنگ کے تبادلے کے بعد ٹیم کی بروقت کارروائی سے سمندری وسائل کے تحفظ اور ماہی گیروں کے روزگار کی حفاظت کو یقینی بنایا گیا۔

رپورٹ: سیدہ نتاشا

اورماڑہ میں محکمہ فشریز کی کامیاب کارروائی میں غیر قانونی ٹرالنگ کی کوشش ناکام بنا دی گئی۔ ذرائع محکمہ فشریز کے مطابق، 12 سمندری میل کی حدود میں غیر قانونی ٹرالنگ کی کوشش کے دوران فشریز ٹیم اور ٹرالنگ مافیا کے درمیان فائرنگ کا تبادلہ بھی ہوا۔

ذرائع نے بتایا کہ فشریز ٹیم کی بروقت اور مؤثر کارروائی کے باعث مافیا پسپا ہوگیا اور کسی نقصان سے بچا جا سکا۔ محکمہ فشریز نے مزید کہا کہ غیر قانونی ٹرالنگ کے خلاف اقدامات مزید سخت کیے جائیں گے تاکہ سمندری وسائل کے تحفظ اور ماہی گیروں کے روزگار کو یقینی بنایا جا سکے۔
محکمہ فشریز کی جانب سے یہ واضح کیا گیا ہے کہ سمندری وسائل کے تحفظ کے لیے کارروائیاں مسلسل جاری رہیں گی اور ماہی گیروں کے روزگار کو اولین ترجیح دی جائے گی۔