گڈانی میں منشیات و شراب اسمگلنگ کی بڑی کوشش ناکام، 3717 بوتلیں برآمد

گڈانی میں محکمہ ایکسائز نے پاک بحریہ کے تعاون سے خفیہ کارروائی کے دوران شراب اسمگلنگ کی بڑی کوشش ناکام بنا دی۔ کارروائی میں 3717 غیر ملکی شراب کی بوتلیں برآمد کر کے قانونی کارروائی شروع کر دی گئی ہے۔

بلوچستان کے ساحلی علاقے گڈانی میں ایک بڑی اسمگلنگ کی کوشش ناکام بناتے ہوئے محکمہ ایکسائز اینڈ اینٹی نارکوٹکس (ساؤتھ زون) نے 3717 غیر ملکی شراب کی بوتلیں برآمد کر لی ہیں۔

یہ کارروائی وزیراعلیٰ بلوچستان میر سرفراز احمد بگٹی اور چیف سیکرٹری بلوچستان کی ہدایات اور صوبائی حکومت کی انسداد منشیات پالیسی کے تحت پاک بحریہ کے تعاون سے خفیہ اطلاع پر کی گئی۔

ڈائریکٹر جنرل ایکسائز اینڈ اینٹی نارکوٹکس ساؤتھ زون محمد زمان کے مطابق یہ کامیابی انسداد منشیات کارروائیوں کے تسلسل کا حصہ ہے۔ انہوں نے بتایا کہ حالیہ دنوں میں پاک بحریہ کے ساتھ مشترکہ کارروائیوں کے دوران 425 کلوگرام آئس، 20 کلو چرس اور ہزاروں بوتلیں شراب و بیئر بھی برآمد کی جا چکی ہیں۔

انہوں نے مزید کہا کہ ادارہ منشیات، اسمگلنگ، غیر قانونی گاڑیوں اور پوست کی کاشت کے خلاف کارروائیاں جاری رکھے ہوئے ہے تاکہ بلوچستان کو منشیات سے پاک بنایا جا سکے۔

محکمہ کے مطابق قانون نافذ کرنے والے اداروں کے ساتھ مل کر ایسے آپریشنز آئندہ بھی جاری رہیں گے تاکہ اسمگلنگ نیٹ ورکس کا خاتمہ کیا جا س

Keywords : Gadani, Drug Smuggling, Excise Department, Liquor Seizure