وزیر اعلیٰ بلوچستان کی ڈاکٹر عبدالمالک بلوچ سے ملاقات

وزیر اعلیٰ بلوچستان میر سرفراز بگٹی سے نیشنل پارٹی کے سربراہ ڈاکٹر عبدالمالک بلوچ کی قیادت میں وفد نے ملاقات کی۔ ملاقات میں صوبے کی سیاسی صورتحال اور دیگر اہم امور پر تبادلہ خیال کیا گیا جبکہ امن، ترقی اور عوامی مسائل کے حل کے لیے باہمی تعاون جاری رکھنے پر اتفاق کیا گیا۔ اس موقع پر ڈاکٹر عبدالمالک بلوچ نے وزیر اعلیٰ کو کتابوں کا تحفہ بھی پیش کیا۔

رپورٹ: سیدہ نتاشا

وزیر اعلیٰ بلوچستان میر سرفراز بگٹی سے نیشنل پارٹی کے سربراہ اور رکن صوبائی اسمبلی ڈاکٹر عبدالمالک بلوچ کی قیادت میں ایک وفد نے ملاقات کی۔ ملاقات کے دوران صوبے کی مجموعی سیاسی صورتحال اور باہمی دلچسپی کے مختلف امور پر تفصیلی تبادلہ خیال کیا گیا۔

اس موقع پر دونوں رہنماؤں نے صوبے میں امن و استحکام، ترقی اور عوامی مسائل کے حل کے لیے باہمی مشاورت اور تعاون جاری رکھنے پر اتفاق کیا۔ ملاقات میں باہمی سیاسی روابط کو مزید مضبوط بنانے اور صوبے کی بہتری کے لیے مشترکہ اقدامات کی ضرورت پر بھی زور دیا گیا۔
ملاقات کے دوران ڈاکٹر عبدالمالک بلوچ نے وزیر اعلیٰ بلوچستان میر سرفراز بگٹی کو کتابوں کا تحفہ پیش کیا جبکہ وزیر اعلیٰ نے ڈاکٹر عبدالمالک بلوچ کی علمی و سیاسی خدمات کو سراہتے ہوئے ان کے کردار کی تعریف کی۔