یومِ یکجہتی کشمیر پر ملک بھر میں عام تعطیل کا اعلان

وفاقی حکومت نے 5 فروری 2026 کو یومِ یکجہتی کشمیر کے موقع پر ملک بھر میں عام تعطیل کا اعلان کر دیا ہے۔ اس دن کشمیری عوام سے اظہارِ یکجہتی کے لیے تقریبات، ریلیاں اور آگاہی پروگرام منعقد ہوں گے، جبکہ صبح 10 بجے کشمیری شہداء کی یاد میں ایک منٹ کی خاموشی اختیار کی جائے

ملک بھر میں یومِ یکجہتی کشمیر پر عام تعطیل کا اعلان

رپورٹ: عروبہ شہزاد

وفاقی حکومت نے یومِ یکجہتی کشمیر کے موقع پر 5 فروری 2026 کو ملک بھر میں عام تعطیل کا اعلان کر دیا ہے۔ اس فیصلے کا باضابطہ نوٹیفکیشن بھی جاری کر دیا گیا ہے، جس کے مطابق تمام سرکاری و نیم سرکاری ادارے بند رہیں گے، جبکہ بیشتر نجی اداروں میں بھی تعطیل ہوگی۔نوٹیفکیشن میں کہا گیا ہے کہ یومِ یکجہتی کشمیر ہر سال کشمیری عوام سے اظہارِ یکجہتی اور ان کی جدوجہد آزادی کو خراجِ تحسین پیش کرنے کے لیے منایا جاتا ہے۔ اس دن کی مناسبت سے ملک بھر میں مختلف سرکاری و سماجی سطح کی تقریبات، سیمینارز، ریلیاں اور آگاہی پروگرام منعقد کیے جائیں گے۔

وفاقی حکومت کی ہدایت کے مطابق کشمیری شہدا کی یاد میں صبح 10 بجے ملک بھر میں ایک منٹ کی خاموشی اختیار کی جائے گی۔ اس دوران سرکاری دفاتر، تعلیمی اداروں اور دیگر مقامات پر خصوصی دعائیں بھی کی جائیں گی۔حکام کے مطابق یومِ کشمیر کے موقع پر میڈیا پر خصوصی نشریات نشر کی جائیں گی جبکہ کشمیری عوام کے حقِ خودارادیت کے لیے پاکستان کی حمایت کو اجاگر کیا جائے گا۔