آپریشن شعبان جاری، مزید 3 دہشت گرد ہلاک، تعداد 88 تک پہنچ گئی

پاک فوج، ایف سی بلوچستان اور پولیس کی مشترکہ کارروائیوں کے دوران آپریشن شعبان میں مزید تین دہشت گرد ہلاک کر دیے گئے، جس کے بعد آپریشن میں مارے جانے والوں کی تعداد 88 ہوگئی۔ سیکیورٹی ذرائع کے مطابق 5 جولائی سے جاری آپریشن شعبان اور دیگر انٹیلی جنس بنیادوں پر کارروائیوں میں مجموعی طور پر 126 دہشت گرد ہلاک کیے جا چکے ہیں، جبکہ آپریشن آخری دہشت گرد کے خاتمے تک جاری رہے گا۔

کوئٹہ: پاک فوج، فرنٹیئر کور (ایف سی) بلوچستان اور پولیس کی جانب سے مشترکہ طور پر جاری آپریشن "شعبان" کے دوران سیکیورٹی فورسز نے دہشت گردوں کے خلاف فضائی اور زمینی کارروائیاں مزید تیز کر دی ہیں۔

سیکیورٹی ذرائع کے مطابق آپریشن کے دوران مزید 3 دہشت گرد ہلاک کر دیے گئے ہیں، جس کے بعد آپریشن شعبان میں مارے جانے والے دہشت گردوں کی مجموعی تعداد 88 ہو گئی ہے۔

ذرائع نے بتایا کہ 5 جولائی سے اب تک آپریشن شعبان اور دیگر انٹیلی جنس بنیادوں پر کی جانے والی کارروائیوں میں مجموعی طور پر 126 دہشت گردوں کو ہلاک کیا جا چکا ہے۔

سیکیورٹی ذرائع کے مطابق دہشت گردوں کے مکمل خاتمے تک آپریشن شعبان اور دیگر کارروائیاں بھرپور انداز میں جاری رہیں گی۔