صوبائی وزیر میر سلیم احمد کھوسہ کا حنہ روڈ منصوبے کی پیش رفت کا جائزہ

صوبائی وزیر مواصلات و تعمیرات میر سلیم احمد کھوسہ نے حنہ روڈ ترقیاتی منصوبے کا دورہ کرکے جاری کاموں کا معائنہ کیا، رفتار تیز کرنے اور بروقت تکمیل کی ہدایات جاری کیں۔

رپورٹ: سیدہ نتاشا

صوبائی وزیر مواصلات و تعمیرات میر سلیم احمد کھوسہ نے حنہ روڈ ترقیاتی منصوبے کی پیش رفت کا جائزہ لیا۔ اس موقع پر محکمۂ مواصلات و تعمیرات کے اعلیٰ افسران اور منصوبے پر کام کرنے والی تعمیراتی کمپنی کے نمائندے بھی موجود تھے۔

دورے کے دوران صوبائی وزیر کو منصوبے سے متعلق جاری ترقیاتی کاموں پر تفصیلی بریفنگ دی گئی جبکہ مختلف حصوں کا موقع پر معائنہ بھی کیا گیا۔ حکام نے منصوبے کی مجموعی صورتحال، کام کی رفتار اور درپیش امور سے آگاہ کیا۔
صوبائی وزیر میر سلیم احمد کھوسہ نے متعلقہ حکام کو ہدایت کی کہ منصوبے پر کام کی رفتار مزید تیز کی جائے تاکہ مقامی آبادی کو جلد از جلد بہتر سفری سہولیات میسر آ سکیں۔ انہوں نے کہا کہ حکومت بلوچستان عوامی فلاح کے ترقیاتی منصوبوں کی بروقت اور معیاری تکمیل کو یقینی بنا رہی ہے، تاکہ شہریوں کو جدید اور محفوظ سفری سہولیات فراہم کی جا سکیں۔