کوئٹہ میں شیشہ سامان کی فروخت کے خلاف کارروائی، 15 دکانیں سیل، 18 افراد گرفتار
ڈپٹی کمشنر کوئٹہ کی ہدایت پر ضلعی انتظامیہ نے مسجد روڈ پر شیشہ اور اس سے متعلقہ سامان کی فروخت کے خلاف کارروائی کی۔ کارروائی کے دوران 15 دکانیں سیل اور 18 افراد کو گرفتار کرکے قانونی کارروائی شروع کر دی گئی۔
کوئٹہ: ڈپٹی کمشنر کوئٹہ مہراللہ بادینی کی ہدایت پر ضلعی انتظامیہ نے شہر میں شیشہ (چلم) اور اس سے متعلقہ سامان کی فروخت کے خلاف کارروائی کرتے ہوئے مسجد روڈ پر متعدد دکانوں کی جانچ پڑتال کی۔ کارروائی اسسٹنٹ کمشنر (سٹی) محمد امیر حمزہ اور اسپیشل مجسٹریٹ اعجاز حسین کھوسہ کی نگرانی میں انجام دی گئی۔
انتظامیہ کے مطابق کارروائی کے دوران 15 دکانوں کو سیل کر دیا گیا جبکہ 18 افراد کو گرفتار کر لیا گیا۔ گرفتار افراد کے خلاف مقدمات درج کرکے قانونی کارروائی عمل میں لائی جا رہی ہے۔
ضلعی انتظامیہ نے کہا ہے کہ ممنوعہ اشیاء کی فروخت اور قانون شکنی کے خلاف بلاامتیاز کارروائیاں جاری رہیں گی تاکہ شہریوں کو محفوظ اور قانون کے مطابق ماحول فراہم کیا جا سکے۔
Keywords : Crackdown, Shisha Equipment, Quetta administration, Law enforcement
Related News
