ڈی آئی جی کوئٹہ کی زیرِ نگرانی رینک پِننگ تقریب کا انعقاد

کوئٹہ میں ڈی آئی جی عمران شوکت کی زیرِ نگرانی رینک پِننگ تقریب منعقد ہوئی، جس میں 24 اسسٹنٹ سب انسپکٹرز کو سب انسپکٹر اور 19 ہیڈ کانسٹیبلز کو اسسٹنٹ سب انسپکٹر کے عہدے پر ترقی دی گئی۔ تقریب میں سینئر افسران اور اہلِ خانہ کی شرکت نے اسے یادگار بنا دیا۔

رپورٹ : سیدہ نتاشا

ڈی آئی جی کوئٹہ عمران شوکت (PSP, QPM, PPM) کی زیرِ نگرانی رینک پِننگ تقریب منعقد ہوئی۔
تقریب میں ایس ایس پی آپریشنز سمیت پولیس کے افسران و اہلکاروں نے شرکت کی۔ اس موقع پر 24 اسسٹنٹ سب انسپکٹرز کو سب انسپکٹر اور 19 ہیڈ کانسٹیبلز کو اسسٹنٹ سب انسپکٹر کے عہدے پر ترقی دے کر انہیں نئے رینکس پہنائے گئے۔

تقریب میں ترقی پانے والے افسران کے اہلِ خانہ بھی موجود تھے، جن کی موجودگی نے تقریب کو مزید باوقار اور یادگار بنا دیا۔
ڈی آئی جی کوئٹہ عمران شوکت نے ترقی پانے والے افسران کو مبارکباد دیتے ہوئے ان کی محنت، لگن اور پیشہ ورانہ خدمات کو سراہا۔ انہوں نے کہا کہ ترقی کے ساتھ ذمہ داریوں میں بھی اضافہ ہوتا ہے، جس کا تقاضا ہے کہ افسران عوامی خدمت اور فرائض کی ادائیگی میں مزید پیشہ ورانہ عزم اور دیانتداری کا مظاہرہ کریں۔