قلات خضدار زون میں جاری سڑکوں کے ترقیاتی منصوبوں کا جائزہ اجلاس

قلات خضدار زون میں سڑکوں کے جاری ترقیاتی منصوبوں کے حوالے سے سیکرٹری مواصلات و تعمیرات بابر خان کی زیرِ صدارت جائزہ اجلاس منعقد ہوا، جس میں منصوبوں کی پیش رفت، معیار، شفافیت اور بروقت تکمیل پر زور دیا گیا۔

رپورٹ: سیدہ نتاشا

قلات خضدار زون (روڈز) کے جاری ترقیاتی منصوبوں سے متعلق ایک اہم جائزہ اجلاس سیکرٹری مواصلات و تعمیرات بابر خان کی زیرِ صدارت منعقد ہوا۔ اجلاس میں چیف انجینئر قلات خضدار زون عزیز اللّٰہ کاسی، چیف انجینئر فیڈرل پروجیکٹس ڈاکٹر سجاد بلوچ، متعلقہ سپرنٹنڈنگ انجینئرز اور قلات خضدار زون کے ضلعی ایگزیکٹو انجینئر آفیسران نے شرکت کی۔

اجلاس کے دوران چیف انجینئر عزیز اللّٰہ کاسی نے قلات خضدار زون میں جاری ترقیاتی منصوبوں کی مجموعی پیش رفت، درپیش مسائل اور آئندہ کے لائحہ عمل پر تفصیلی بریفنگ دی۔ انہوں نے بتایا کہ بیشتر منصوبے مقررہ اہداف کے مطابق جاری ہیں جبکہ بعض مقامات پر درپیش مسائل کے حل کے لیے اقدامات کیے جا رہے ہیں۔
اس موقع پر سیکرٹری مواصلات و تعمیرات بابر خان نے جاری منصوبوں میں معیارِ تعمیر، شفافیت اور بروقت تکمیل پر خصوصی زور دیا۔ انہوں نے متعلقہ افسران کو ہدایت کی کہ عوامی مفاد سے وابستہ تمام منصوبوں کو مقررہ مدت کے اندر مکمل کیا جائے اور کام کے معیار پر کسی قسم کا سمجھوتہ نہ کیا جائے۔