گورنمنٹ پوسٹ گریجویٹ گرلز کالج کوئٹہ کینٹ کے سامنے سڑک کا نام "شہید پروفیسر ناظمہ طالب روڈ" رکھنے کا فیصلہ

وزیراعلیٰ بلوچستان میر سرفراز بگٹی کی ہدایت پر گورنمنٹ پوسٹ گریجویٹ گرلز کالج کوئٹہ کینٹ کے سامنے واقع سڑک کو "شہید پروفیسر ناظمہ طالب روڈ" کا نام دینے کا فیصلہ کیا گیا ہے۔ شاہد رند کے مطابق یہ اقدام شہید پروفیسر ناظمہ طالب کی تعلیمی خدمات اور عظیم قربانی کے اعتراف میں کیا جا رہا ہے، جبکہ اس حوالے سے ضروری کارروائی بھی شروع کر دی گئی ہے۔

کوئٹہ: وزیراعلیٰ بلوچستان میر سرفراز بگٹی کی ہدایت پر گورنمنٹ پوسٹ گریجویٹ گرلز کالج کوئٹہ کینٹ کے سامنے واقع سڑک کا نام "شہید پروفیسر ناظمہ طالب روڈ" رکھنے کا فیصلہ کیا گیا ہے۔

ترجمان حکومت بلوچستان شاہد رند کے مطابق یہ فیصلہ شہید پروفیسر ناظمہ طالب کی تعلیمی خدمات اور ان کی عظیم قربانی کے اعتراف میں کیا گیا ہے تاکہ ان کی خدمات کو ہمیشہ یاد رکھا جا سکے۔

شاہد رند نے بتایا کہ وزیراعلیٰ بلوچستان کے پرنسپل سیکرٹری نے سیکریٹری لوکل گورنمنٹ کو اس حوالے سے ضروری کارروائی کے لیے مراسلہ بھی جاری کر دیا ہے۔

انہوں نے کہا کہ حکومت بلوچستان شہداء اور قومی خدمات انجام دینے والی شخصیات کی قربانیوں اور خدمات کو ہمیشہ عزت و احترام سے یاد رکھے گی اور ان کی خدمات کے اعتراف کے لیے ایسے اقدامات جاری رکھے گی۔