بارش اور برفباری کے بعد صفا کوئٹہ کا فوری صفائی آپریشن

کوئٹہ میں حالیہ بارش اور برفباری کے بعد مختلف علاقوں میں پھیلنے والی گندگی اور کیچڑ کے خاتمے کے لیے صفا کوئٹہ نے فوری صفائی آپریشن شروع کر دیا ہے۔ شہر کی اہم سڑکوں پر مشینری اور عملہ متحرک ہے تاکہ شہریوں کو آمد و رفت میں سہولت فراہم کی جا سکے۔

رپورٹ: سیدہ نتاشا

کوئٹہ میں بارش اور برفباری کے بعد مختلف علاقوں میں پیدا ہونے والی گندگی، کیچڑ اور ملبے کے خاتمے کے لیے صفا کوئٹہ کی جانب سے فوری طور پر صفائی آپریشن کا آغاز کر دیا گیا ہے۔
صفا کوئٹہ کی ٹیمیں مسجد روڈ، سریاب روڈ، منیر احمد خان روڈ، کلی دیبا اور گولیمار چوک سمیت شہر کے مختلف علاقوں میں متحرک نظر آئیں، جہاں صفائی عملے کی مدد سے سڑکوں کی صفائی کا عمل جاری ہے۔

بارش کے باعث سڑکوں پر جمع ہونے والا کیچڑ، ملبہ اور کچرا ہٹایا جا رہا ہے تاکہ شہریوں کو روزمرہ آمد و رفت میں مشکلات کا سامنا نہ کرنا پڑے۔
انتظامیہ کے مطابق صفائی آپریشن کو جلد از جلد مکمل کرنے کے لیے تمام دستیاب وسائل بروئے کار لائے جا رہے ہیں، جبکہ شہر کو صاف ستھرا بنانے کے لیے عملہ مسلسل فرائض انجام دے رہا ہے