چیف سیکرٹری بلوچستان کی زیر صدارت سیکرٹریز کمیٹی کا اجلاس، گڈ گورننس اور ترقیاتی منصوبوں کا جائزہ

کوئٹہ میں چیف سیکرٹری بلوچستان شکیل قادر خان کی زیر صدارت سیکرٹریز کمیٹی کا اجلاس منعقد ہوا، جس میں گڈ گورننس، عوامی خدمات کی فراہمی اور ترقیاتی منصوبوں پر پیش رفت کا جائزہ لیا گیا۔ اجلاس میں بتایا گیا کہ 197 ترجیحی ترقیاتی منصوبوں میں سے 138 کی پی سی ون متعلقہ محکموں کو ارسال کی جا چکی ہے۔ چیف سیکرٹری نے باقی منصوبوں کی پی سی ون جلد مکمل کرنے، پرانی سرکاری گاڑیوں کی شفاف نیلامی اور سرکاری نمبروں کے غلط استعمال کی روک تھام کی ہدایت دی۔ انہوں نے افسران کو اپنی جائے تعیناتی پر موجود رہنے اور عوامی مسائل مقامی سطح پر حل کرنے پر زور دیا۔ اجلاس میں نوجوانوں کے لیے روزگار کے مواقع، بلوچستان کے وفاقی کوٹے کی خالی آسامیوں اور ترقیاتی منصوبوں کی مؤثر نگرانی و بروقت تکمیل کے امور پر بھی تبادلہ خیال کیا گیا۔

کوئٹہ میں چیف سیکرٹری بلوچستان شکیل قادر خان کی زیر صدارت سیکرٹریز کمیٹی کا اہم اجلاس منعقد ہوا

جس میں گڈ گورننس، عوامی خدمات کی فراہمی اور ترقیاتی منصوبوں پر پیش رفت کا جائزہ لیا گیا چیف سیکرٹری نے کہا کہ گڈ گورننس اور بہترین سروس ڈیلیوری عوام کا بنیادی حق ہے، جبکہ حکومت کی ذمہ داری ہے کہ شہریوں کو شفاف، مؤثر اور مساوی بنیادوں پر سہولیات فراہم کرے۔ اجلاس کو بتایا گیا کہ 197 ترجیحی ترقیاتی منصوبوں میں سے 138 منصوبوں کی پی سی ون متعلقہ محکموں کو ارسال کی جا چکی ہے، جبکہ چیف سیکرٹری نے باقی منصوبوں کی پی سی ون جلد مکمل کرنے کی ہدایت دی۔ شکیل قادر خان نے پرانی سرکاری گاڑیوں کی جلد نیلامی اور اس عمل میں مکمل شفافیت یقینی بنانے پر زور دیتے ہوئے کہا کہ سرکاری نمبروں کے غلط استعمال کی روک تھام ضروری ہے۔ انہوں نے تمام افسران کو اپنی جائے تعیناتی پر موجود رہنے کی ہدایت دیتے ہوئے کہا کہ عوام کے مسائل ان کی دہلیز پر حل ہونے چاہئیں۔ چیف سیکرٹری نے کہا کہ نوجوانوں کو روزگار کی فراہمی کے لیے وفاقی سطح پر بلوچستان کے کوٹے سے متعلق خالی آسامیوں کا معاملہ اٹھایا جائے گا، جبکہ مانیٹرنگ اینڈ ایویلیوایشن سیکشن کی کارکردگی سے ترقیاتی منصوبوں کی نگرانی، شفافیت اور بروقت تکمیل میں نمایاں بہتری آئی ہے