آپریشن شعبان جاری، مزید 3 دہشت گرد ہلاک، تعداد 91 تک پہنچ گئی

بلوچستان میں جاری آپریشن شعبان کے دوران سکیورٹی فورسز نے مزید تین دہشت گرد ہلاک کر دیے، جس کے بعد آپریشن میں مارے گئے دہشت گردوں کی تعداد 91 ہو گئی ہے۔ سکیورٹی ذرائع کے مطابق 5 جولائی سے آپریشن شعبان اور دیگر انٹیلی جنس بیسڈ آپریشنز میں مجموعی طور پر 129 دہشت گرد ہلاک کیے جا چکے ہیں۔

کوئٹہ: بلوچستان میں جاری آپریشن شعبان کے دوران سکیورٹی فورسز نے مزید تین دہشت گردوں کو ہلاک کر دیا، جس کے بعد آپریشن کے دوران مارے گئے دہشت گردوں کی تعداد 91 ہو گئی ہے۔

سرکاری میڈیا کے مطابق سکیورٹی ذرائع نے بتایا ہے کہ 5 جولائی سے بلوچستان میں جاری آپریشن شعبان اور دیگر انٹیلی جنس بیسڈ آپریشنز کے دوران مجموعی طور پر 129 دہشت گرد ہلاک کیے جا چکے ہیں۔

سکیورٹی ذرائع کے مطابق بلوچستان میں آپریشن شعبان اس وقت تک جاری رہے گا جب تک آخری دہشت گرد کا خاتمہ نہیں ہو جاتا۔

واضح رہے کہ آپریشن شعبان کا آغاز منگی ڈیم کے علاقے میں پولیس چوکی پر دہشت گردوں کے حملے کے بعد کیا گیا تھا، جہاں 27 پولیس اہلکار شہید ہوئے تھے۔ حملے میں 9 اہلکار موقع پر شہید ہوئے، جبکہ اغوا کیے گئے 18 اہلکاروں کو بعد ازاں دہشت گردوں نے قتل کر دیا تھا۔

آپریشن میں پاک فوج، فرنٹیئر کور (ایف سی) بلوچستان اور بلوچستان پولیس مشترکہ طور پر حصہ لے رہی ہیں۔