خضدار کے نواحی علاقے میں خستہ حال جھونپڑی اسکول کے معاملے پر انتظامیہ حرکت میں آگئی

رپورٹ: ماہ رنگ بلوچ
خضدار کے نواحی علاقے میں قائم جھونپڑی اسکول کی خستہ حالی کی خبر سامنے آتے ہی ضلعی انتظامیہ حرکت میں آ گئی۔
اسکول میں بچوں کے لیے بنیادی سہولیات نہ ہونے اور جھونپڑی نما کمروں میں تعلیم دیے جانے کا انکشاف ہوا، جس پر متعلقہ حکام نے فوری نوٹس لیا۔
ضلعی انتظامیہ کی جانب سے محکمہ تعلیم کو ہدایات جاری کی گئی ہیں کہ اسکول کے مسائل کو ترجیحی بنیادوں پر حل کیا جائے۔
ذرائع کے مطابق اسکول کی عمارت، فرنیچر، پینے کے صاف پانی اور دیگر بنیادی سہولیات کی فراہمی کے لیے اقدامات شروع کر دیے گئے ہیں۔
حکام کا کہنا ہے کہ بچوں کو محفوظ اور بہتر تعلیمی ماحول فراہم کرنا حکومت کی ذمہ داری ہے،
اور اس سلسلے میں کسی بھی قسم کی غفلت برداشت نہیں کی جائے گی۔
علاقہ مکینوں اور والدین نے انتظامیہ کے فوری اقدام کو خوش آئند قرار دیتے ہوئے
امید ظاہر کی ہے کہ اب بچوں کو بہتر تعلیمی سہولیات میسر آئیں گی۔