ہنہ اوڑک حملہ: وزیر داخلہ بلوچستان کا متاثرہ علاقے کا دورہ، انصاف کی یقین دہانی
وزیر داخلہ بلوچستان میر ضیاء اللہ لانگو نے ہنہ اوڑک میں مسلح حملے کے بعد متاثرہ علاقے کا دورہ کرکے قبائلی عمائدین اور متاثرہ افراد سے ملاقات کی۔ انہوں نے شہداء کے اہلخانہ سے اظہار تعزیت کرتے ہوئے یقین دلایا کہ واقعے میں ملوث عناصر کے خلاف قانون کے مطابق کارروائی کی جائے گی۔
کوئٹہ: صوبائی وزیر داخلہ بلوچستان میر ضیاء اللہ لانگو نے ہنہ اوڑک میں مسلح افراد کے حملے کا نوٹس لیتے ہوئے متاثرہ علاقے اور بعد ازاں کوئٹہ ائیرپورٹ کا دورہ کیا۔
وزیر داخلہ نے قبائلی عمائدین اور احتجاج میں شریک افراد سے ملاقات کی اور ان کے ساتھ مذاکرات کرتے ہوئے واقعے سے متعلق تبادلہ خیال کیا۔ اس موقع پر انہوں نے مقامی قبائل کے افراد کی شہادت پر گہرے دکھ اور افسوس کا اظہار کیا۔میر ضیاء اللہ لانگو نے کہا کہ حکومت مظلوم کے ساتھ اور ظالم کے خلاف سیسہ پلائی دیوار کی طرح کھڑی ہے۔ انہوں نے یقین دہانی کرائی کہ حکومت بلوچستان متاثرہ مقامی قبائل کے ساتھ ہے اور واقعے میں ملوث عناصر کے خلاف قانون کے مطابق کارروائی عمل میں لائی جائے گی۔
:
Ziaullah Langau, Hanna Urak Attack, Balochistan Home Minister, Law and Order
Related News
