بلوچستان میں مڈل کے امتحانات ملتوی، نیا شیڈول 6 فروری سے متوقع

محکمہ تعلیم بلوچستان نے شدید سردی اور متوقع بارشوں کے باعث سمر زون اضلاع میں جماعت ہشتم کے امتحانات ملتوی کر دیے ہیں۔ ملتوی شدہ امتحانات اب 6 فروری 2026ء سے نئے شیڈول کے تحت منعقد کیے جائیں گے، جس کا اعلان بعد میں کیا جائے گا۔ فیصلہ طلبہ کی حفاظت اور سہولت کو مدنظر رکھتے ہوئے کیا گیا ہے۔

بلوچستان میں مڈل کے امتحانات ملتوی، نیا شیڈول 6 فروری سے متوقع

رپورٹ : عروبہ شہزاد

محکمہ تعلیم بلوچستان نے شدید سرد موسم اور آئندہ ہفتے متوقع بارشوں کے پیشِ نظر سمر زون اضلاع میں جماعت ہشتم (مڈل اسٹینڈرڈ) کے امتحانات ملتوی کرنے کا اعلان کر دیا ہے۔ یہ فیصلہ والدین اور ضلعی تعلیمی افسران کی درخواستوں کی روشنی میں کیا گیا ہے۔
اعلامیے کے مطابق ملتوی کیے گئے امتحانات اب 6 فروری 2026ء سے نئے شیڈول کے تحت منعقد کیے جائیں گے، جس کا باقاعدہ اعلان بعد میں کیا جائے گا۔

ڈائریکٹر آف ایجوکیشن (اسکولز) بلوچستان اختر محمد کیتھران نے تمام ضلع ایجوکیشن آفیسرز (DEOs) کو ہدایت کی ہے کہ امتحانات کی ملتوی ہونے سے متعلق معلومات بروقت تمام اسکولوں، طلبہ اور والدین تک پہنچائی جائیں۔ اس کے ساتھ ساتھ تمام DEOs اور ضلعی انتظامیہ کو ہدایت دی گئی ہے کہ 6 فروری سے امتحانات کے انعقاد کے لیے تمام ضروری انتظامات مکمل رکھے جائیں۔محکمہ تعلیم کے مطابق اس فیصلے کا مقصد طلبہ کی حفاظت اور سہولت کو مدِنظر رکھتے ہوئے امتحانی عمل کو بہتر انداز میں یقینی بنانا ہے۔