بلوچستان کے طلبہ کی بین الاقوامی کینگرو ریاضی مقابلے میں پہلی شرکت

$بلوچستان کے طلبہ کی بین الاقوامی کینگرو ریاضی مقابلے میں پہلی شرکت$

بلوچستان کے طلبہ نے پہلی بار بین الاقوامی کینگرو ریاضی مقابلے میں شرکت کی، جس میں 12 اضلاع سے 150 پرائمری سطح کے طلبہ نے گورنمنٹ اسکولز اور اے ایل پی مراکز کی نمائندگی کی۔ یہ اقدام مقامی طلبہ کو عالمی تعلیمی پلیٹ فارمز سے جوڑنے اور ان کی تجزیاتی و تخلیقی صلاحیتوں کو فروغ دینے کی جانب ایک اہم پیش رفت ہے۔

بلوچستان کے طلبہ کی بین الاقوامی کینگرو ریاضی مقابلے میں پہلی شرکت، عالمی سطح پر صلاحیتوں کا مظاہرہ

رپورٹ : عروبہ شہزاد

بلوچستان کے طلبہ نے پہلی مرتبہ بین الاقوامی کینگرو ریاضی مقابلے میں شرکت کر کے ایک اہم پیش رفت حاصل کی ہے، جہاں صوبے کے گورنمنٹ اسکولز اور اے ایل پی (ALP) مراکز سے تعلق رکھنے والے طلبہ اس عالمی مقابلے میں بھرپور حصہ لے رہے ہیں۔ محکمہ تعلیم کے مطابق صوبے کے 12 مختلف اضلاع سے جماعت اول تا پنجم کے مجموعی طور پر 150 طلبہ اس مقابلے میں شریک ہیں، جو اپنی ذہنی صلاحیتوں اور ریاضی کے میدان میں مہارت کو عالمی سطح پر اجاگر کرنے کے لیے پُرعزم ہیں۔

ماہرین تعلیم کا کہنا ہے کہ اس نوعیت کے بین الاقوامی مقابلے نہ صرف طلبہ کی تخلیقی اور تجزیاتی صلاحیتوں کو فروغ دیتے ہیں بلکہ انہیں عالمی معیار کے تعلیمی رجحانات سے ہم آہنگ ہونے کا موقع بھی فراہم کرتے ہیں۔ حکام کے مطابق یہ اقدام بلوچستان کے طلبہ کو کلاس روم کی محدود دنیا سے نکال کر بین الاقوامی سطح تک لے جانے کی جانب ایک اہم اور مثبت قدم ہے، جس سے ان کا اعتماد بڑھے گا اور مستقبل میں مزید مواقع کے دروازے کھلیں گے۔