کوئٹہ نے میٹرک اور انٹرمیڈیٹ کے امتحانات کے لیے نیا گریڈنگ سسٹم نافذ کر دیا
بلوچستان بورڈ نے میٹرک اور انٹرمیڈیٹ امتحانات کے لیے نیا گریڈنگ سسٹم نافذ کر دیا ہے جس کے تحت پوزیشن کا تعین گریڈز کی بنیاد پر ہوگا۔ نئے نظام کا مقصد تعلیمی معیار کو بہتر بنانا اور طلبہ کی کارکردگی کو شفاف انداز میں جانچنا ہے۔
بلوچستان بورڈ آف انٹرمیڈیٹ اینڈ سیکنڈری ایجوکیشن (BBISE) کوئٹہ نے میٹرک اور انٹرمیڈیٹ کے امتحانات کے لیے نیا گریڈنگ سسٹم نافذ کر دیا ہے، جس کے تحت اب طلبہ کی پوزیشن کا تعین نمبرز کے بجائے گریڈز کی بنیاد پر کیا جائے گا۔
نئے نظام کے مطابق A++ گریڈ 96 سے 100 فیصد، A+ 91 سے 95 فیصد، A 86 سے 90 فیصد، B++ 81 سے 85 فیصد، B+ 76 سے 80 فیصد، اور B 71 سے 75 فیصد قرار دیا گیا ہے۔ اسی طرح C+ کو 61 سے 70 فیصد، C کو 51 سے 60 فیصد، D کو 40 سے 50 فیصد جبکہ 40 فیصد سے کم نمبرز حاصل کرنے والے طلبہ کو U (Ungraded) قرار دے کر دوبارہ امتحان کا اہل سمجھا جائے گا۔
بورڈ حکام کے مطابق اس نئے گریڈنگ سسٹم کا مقصد تعلیمی معیار کو بہتر بنانا اور طلبہ کی کارکردگی کو عالمی معیار کے مطابق جانچنا ہے۔ نئے نظام سے امتحانی نتائج کے تجزیے میں شفافیت اور بہتری آنے کی توقع ہے۔
Keywords : BBISE Quetta, New Grading System, Education reforms, Matric Intermediate exams
Related News
.jpeg)
.jpeg)
.jpeg)
