بیف کے زیر اہتمام فُل فنڈڈ ایل ایل ایم اسکالرشپ پروگرام کا تحریری ٹیسٹ منعقد

کوئٹہ: بلوچستان ایجوکیشن اینڈومنٹ فنڈ (بیف) کے زیر اہتمام فُل فنڈڈ ایل ایل ایم (LLM) اسکالرشپ پروگرام کے لیے تحریری ٹیسٹ کامیابی کے ساتھ منعقد کیا گیا، جس کی نگرانی ہائر ایجوکیشن کمیشن (ایچ ای سی) نے کی۔

چیف ایگزیکٹو آفیسر بیف خالد ماندائی نے کہا کہ وزیر اعلیٰ بلوچستان میر سرفراز بگٹی کے تعلیم دوست وژن کے تحت صوبے کے ذہین اور مستحق طلبہ کو عالمی معیار کی اعلیٰ تعلیم کے مواقع فراہم کیے جا رہے ہیں۔

انہوں نے بتایا کہ ایل ایل ایم اسکالرشپ پروگرام کا مقصد مکمل شفافیت اور سو فیصد میرٹ کی بنیاد پر امیدواروں کا انتخاب یقینی بنانا ہے تاکہ وہ اعلیٰ قانونی تعلیم حاصل کر کے ملک و صوبے کی ترقی میں مؤثر کردار ادا کر سکیں۔

انہوں نے مزید کہا کہ ٹیسٹ کے انعقاد میں شفافیت، غیر جانبداری اور میرٹ کو اولین ترجیح دی گئی ہے، جبکہ حکومت بلوچستان نوجوانوں کی تعلیم اور پیشہ ورانہ صلاحیتوں میں سرمایہ کاری کو صوبے کے روشن مستقبل کی ضمانت سمجھتی ہے۔

Keywords : BEEF Scholarship, LLM Program, HEC Supervision, Merit Based Selection