وزیراعلیٰ بلوچستان کا کلی ببری میں گورنمنٹ گرلز اسکول کے قیام کا اعلان

وزیراعلیٰ بلوچستان میر سرفراز بگٹی نے ہنہ کے علاقے کلی ببری میں گورنمنٹ گرلز اسکول کے قیام کا اعلان کرتے ہوئے متعلقہ حکام کو فوری طور پر سمری منظوری کے لیے پیش کرنے کی ہدایت جاری کر دی۔ ترجمان حکومت شاہد رند کے مطابق اسکول کے قیام سے طالبات کو اپنے علاقے میں معیاری تعلیمی سہولیات میسر آئیں گی اور حکومت ہر بچے اور بچی تک تعلیم کی فراہمی کے لیے عملی اقدامات کر رہی ہے۔

کوئٹہ: وزیراعلیٰ بلوچستان میر سرفراز بگٹی نے ہنہ کے علاقے کلی ببری میں گورنمنٹ گرلز اسکول کے قیام کا اعلان کرتے ہوئے متعلقہ حکام کو ہدایت جاری کی ہے کہ اسکول کے قیام کے لیے سمری فوری طور پر منظوری کے لیے پیش کی جائے۔

ترجمان حکومت بلوچستان شاہد رند کے مطابق وزیراعلیٰ میر سرفراز بگٹی نے شہداء کے اہل خانہ سے تعزیت کے موقع پر کلی ببری میں گرلز اسکول کے قیام کی یقین دہانی کرائی تھی، جس پر اب عملی پیش رفت شروع کر دی گئی ہے۔

شاہد رند نے کہا کہ کلی ببری میں گرلز اسکول کے قیام سے طالبات کو اپنے ہی علاقے میں معیاری تعلیمی سہولیات میسر آئیں گی، جبکہ حکومت بلوچستان صوبے کے ہر بچے اور بچی تک تعلیم کی سہولت پہنچانے کے لیے عملی اقدامات کر رہی ہے۔