وزیر اعلیٰ کی جانب سے گرلز ہائی اسکول لورالائی کو بس فراہم۔
وزیراعلیٰ بلوچستان میر سرفراز بگٹی نے گرلز ہائی سکول کینٹ لورالائی کی طالبات کی درخواست پر فوری طور پر اسکول کے لیے بس فراہم کر دی۔ اس سہولت سے طالبات کا سفر محفوظ اور آسان ہو گیا ہے۔ ہیڈ مسٹریس شمشاد انجم ملغانی نے وزیراعلیٰ اور کمشنر لورالائی کا شکریہ ادا کیا، جبکہ اساتذہ اور والدین نے اسے تعلیم دوست اقدام قرار دیا۔
لورالائی (ملک امانت)
وزیراعلیٰ بلوچستان میر سرفراز بگٹی نے اپنے حالیہ دورہ لورالائی کے دوران گرلز ہائی سکول کینٹ کی طالبات اور اساتذہ کی درخواست پر اسکول کے لیے فوری طور پر بس فراہم کر دی۔ اس فیصلے سے نہ صرف طالبات کے روزمرہ سفر میں آسانی پیدا ہوئی ہے بلکہ ان کی تعلیمی سرگرمیوں میں بھی تسلسل برقرار رہے گا۔
ہیڈ مسٹریس شمشاد انجم ملغانی نے وزیراعلیٰ اور کمشنر لورالائی ڈویژن ولی محمد بڑیچ کا خصوصی شکریہ ادا کرتے ہوئے کہا کہ بس کی فراہمی سے بچوں اور والدین دونوں کو سہولت میسر آئی ہے۔
اساتذہ، والدین اور طالبات نے اس اقدام کو تعلیم دوست فیصلہ قرار دیتے ہوئے کہا کہ وہ اس سہولت سے بھرپور فائدہ اٹھائیں گے۔
Related News
