سپریم کورٹ میں جیل اصلاحات پر قومی کانفرنس، وزیراعلیٰ بلوچستان سرفراز بگٹی کی شرکت
سپریم کورٹ آف پاکستان میں جیل اصلاحات، انسانی حقوق اور نظامِ انصاف کی بہتری پر قومی کانفرنس منعقد ہوئی، جس میں وزیراعلیٰ بلوچستان میر سرفراز بگٹی اور چیف سیکرٹری بلوچستان شکیل قادر نے شرکت کی۔ کانفرنس میں جیلوں کے نظام میں مؤثر اصلاحات اور قیدیوں کے وقار کے تحفظ پر زور دیا گیا۔
اسلام آباد: سپریم کورٹ آف پاکستان کے آڈیٹوریم میں "جیل اصلاحات: انصاف، وقار اور اصلاح" کے موضوع پر قومی کانفرنس کا انعقاد کیا گیا، جس میں ملک بھر سے اعلیٰ حکام اور متعلقہ شعبوں کے نمائندوں نے شرکت کی۔
کانفرنس میں وزیراعلیٰ بلوچستان میر سرفراز بگٹی، چیف سیکرٹری بلوچستان شکیل قادر کے ہمراہ بلوچستان کی نمائندگی کی گئی۔ اس موقع پر جیل اصلاحات، انسانی حقوق کے تحفظ، قیدیوں کے وقار اور انصاف کے نظام کو مزید مؤثر بنانے سے متعلق مختلف پہلوؤں پر تبادلہ خیال کیا گیا۔
شرکاء نے اس عزم کا اظہار کیا کہ جیلوں کے نظام میں بامعنی اصلاحات، انسانی حقوق کے فروغ اور انصاف کی فراہمی کو یقینی بنانے کے لیے مربوط اقدامات کیے جائیں گے تاکہ ملک میں ایک زیادہ منصفانہ اور باوقار نظامِ انصاف کو فروغ دیا جا سکے۔
Keywords : Prison Reforms, Sarfraz Bugti, Supreme Court of Pakistan, Human Rights
Related News
