پولیو وائرس کے پھیلاؤ کے حوالے سے حساس اجلاس، غیر حاضر ویکسینیٹرز کے خلاف سخت کارروائی ہوگی: کمشنر کوئٹہ ڈویژن

کوئٹہ: کمشنر کوئٹہ ڈویژن شاہزیب خان کاکڑ کی زیرِ صدارت انسدادِ پولیو کی مجموعی کارکردگی اور ویکسینیشن سے متعلق ڈویژنل ٹاسک فورس کا اہم اجلاس منعقد ہوا۔ اجلاس میں صوبائی کوآرڈینیٹر ای او سی انعام الحق، ڈپٹی کمشنر کوئٹہ مہر اللہ بادینی، ڈی ایچ اوز، محکمہ صحت، ڈبلیو ایچ او، یونیسیف، ای پی آئی نیشنل پروگرام اور دیگر متعلقہ اداروں و پارٹنرز کے افسران نے شرکت کی، جبکہ ڈپٹی کمشنرز پشین، قلعہ عبداللہ اور چمن سمیت دیگر ضلعی افسران آن لائن شریک ہوئے۔ اجلاس کے دوران کمشنر کوئٹہ ڈویژن کو گزشتہ انسدادِ پولیو مہمات، ٹیموں کی کارکردگی، ویکسینیشن کی صورتحال، درپیش چیلنجز اور آئندہ کے لائحہ عمل پر تفصیلی بریفنگ دی گئی۔ بریفنگ میں بتایا گیا کہ کوئٹہ بلاک پولیو وائرس کی نقل و حرکت کے حوالے سے انتہائی حساس قرار دیا جاتا ہے۔ جنوری 2025 سے اب تک حاصل کیے گئے تقریباً 64 سیمپلز میں سے 31 مثبت پائے گئے ہیں، جبکہ وائرس کی منتقلی کی بڑی وجوہات میں آبادی کی نقل و حرکت شامل ہے۔ حکام کے مطابق کوئٹہ بلاک میں پولیو وائرس سندھ اور افغانستان سے منتقل ہو رہا ہے۔ اجلاس میں بتایا گیا کہ گزشتہ پولیو مہمات کے دوران زیرو ڈوز بچوں کی کوریج میں بہتری آئی ہے، تاہم بعض یونین کونسلوں میں مزید مؤثر اقدامات کی ضرورت ہے۔ ٹیم کوریج اور مانیٹرنگ نظام میں بہتری کے باعث اہداف کے حصول میں پیش رفت ہوئی ہے، جبکہ آئندہ مہمات میں بھی سخت نگرانی جاری رکھنے پر زور دیا گیا۔کمشنر کوئٹہ ڈویژن شاہزیب خان کاکڑ نے غیر حاضر اور ڈیفالٹر ویکسینیٹرز کے خلاف سخت کارروائی کی ہدایت جاری کرتے ہوئے کہا کہ غیر فعال مراکز صحت کو فوری طور پر فعال بنایا جائے اور پولیو مہم کے دوران مانیٹرنگ کے نظام کو مزید مؤثر بنایا جائے۔ انہوں نے پارٹنر اداروں کو بھی ہدایت کی کہ غیر حاضر عملے کے خلاف کارروائی یقینی بنائی جائے۔ انہوں نے کہا کہ انسدادِ پولیو مہم کے دوران سیکیورٹی پلان اور مانیٹرنگ پلان پر ہر صورت عملدرآمد یقینی بنایا جائے، جبکہ زیرو ڈوز بچوں اور ڈیفالٹر کیسز پر خصوصی توجہ مرکوز کی جائے۔ انہوں نے محکمہ صحت اور دیگر شراکت دار اداروں کو مراکز صحت کے مسلسل دورے کرنے اور غیر فعال مراکز و غیر حاضر عملے کے خلاف فوری کارروائی کی ہدایت دی۔ اجلاس میں افغان مہاجرین کی واپسی کے تناظر میں بھی اہم فیصلے کیے گئے۔ کمشنر کوئٹہ ڈویژن نے ہدایت کی کہ واپس بھجوائے جانے والے افغان مہاجرین کو روانگی سے قبل لازمی طور پر پولیو سے بچاؤ کے قطرے پلائے جائیں تاکہ وائرس کی منتقلی کو روکا جا سکے۔ شاہزیب خان کاکڑ نے کہا کہ ضلعی انتظامیہ، محکمہ صحت اور دیگر متعلقہ ادارے مشترکہ طور پر ٹیموں کی رسائی، مانیٹرنگ اور ویکسینیشن کوریج کو مؤثر بنائیں۔ انہوں نے حساس یونین کونسلوں پر خصوصی توجہ دینے اور والدین کو بچوں کو پولیو سے بچاؤ کے قطرے پلانے کے لیے آمادہ کرنے کی مہم مزید تیز کرنے کی ہدایت بھی جاری کی تاکہ بلوچستان کو پولیو فری بنانے کے قومی ہدف کا حصول یقینی بنایا جا سکے۔

پولیو وائرس کے پھیلاؤ کے حوالے سے حساس اجلاس، غیر حاضر ویکسینیٹرز کے خلاف سخت کارروائی ہوگی: کمشنر کوئٹہ ڈویژن

کوئٹہ: کمشنر کوئٹہ ڈویژن شاہزیب خان کاکڑ کی زیرِ صدارت انسدادِ پولیو کی مجموعی کارکردگی اور ویکسینیشن سے متعلق ڈویژنل ٹاسک فورس کا اہم اجلاس منعقد ہوا۔ اجلاس میں صوبائی کوآرڈینیٹر ای او سی انعام الحق، ڈپٹی کمشنر کوئٹہ مہر اللہ بادینی، ڈی ایچ اوز، محکمہ صحت، ڈبلیو ایچ او، یونیسیف، ای پی آئی نیشنل پروگرام اور دیگر متعلقہ اداروں و پارٹنرز کے افسران نے شرکت کی، جبکہ ڈپٹی کمشنرز پشین، قلعہ عبداللہ اور چمن سمیت دیگر ضلعی افسران آن لائن شریک ہوئے۔ اجلاس کے دوران کمشنر کوئٹہ ڈویژن کو گزشتہ انسدادِ پولیو مہمات، ٹیموں کی کارکردگی، ویکسینیشن کی صورتحال، درپیش چیلنجز اور آئندہ کے لائحہ عمل پر تفصیلی بریفنگ دی گئی۔ بریفنگ میں بتایا گیا کہ کوئٹہ بلاک پولیو وائرس کی نقل و حرکت کے حوالے سے انتہائی حساس قرار دیا جاتا ہے۔ جنوری 2025 سے اب تک حاصل کیے گئے تقریباً 64 سیمپلز میں سے 31 مثبت پائے گئے ہیں، جبکہ وائرس کی منتقلی کی بڑی وجوہات میں آبادی کی نقل و حرکت شامل ہے۔ حکام کے مطابق کوئٹہ بلاک میں پولیو وائرس سندھ اور افغانستان سے منتقل ہو رہا ہے۔
اجلاس میں بتایا گیا کہ گزشتہ پولیو مہمات کے دوران زیرو ڈوز بچوں کی کوریج میں بہتری آئی ہے، تاہم بعض یونین کونسلوں میں مزید مؤثر اقدامات کی ضرورت ہے۔ ٹیم کوریج اور مانیٹرنگ نظام میں بہتری کے باعث اہداف کے حصول میں پیش رفت ہوئی ہے، جبکہ آئندہ مہمات میں بھی سخت نگرانی جاری رکھنے پر زور دیا گیا۔کمشنر کوئٹہ ڈویژن شاہزیب خان کاکڑ نے غیر حاضر اور ڈیفالٹر ویکسینیٹرز کے خلاف سخت کارروائی کی ہدایت جاری کرتے ہوئے کہا کہ غیر فعال مراکز صحت کو فوری طور پر فعال بنایا جائے اور پولیو مہم کے دوران مانیٹرنگ کے نظام کو مزید مؤثر بنایا جائے۔ انہوں نے پارٹنر اداروں کو بھی ہدایت کی کہ غیر حاضر عملے کے خلاف کارروائی یقینی بنائی جائے۔
انہوں نے کہا کہ انسدادِ پولیو مہم کے دوران سیکیورٹی پلان اور مانیٹرنگ پلان پر ہر صورت عملدرآمد یقینی بنایا جائے، جبکہ زیرو ڈوز بچوں اور ڈیفالٹر کیسز پر خصوصی توجہ مرکوز کی جائے۔ انہوں نے محکمہ صحت اور دیگر شراکت دار اداروں کو مراکز صحت کے مسلسل دورے کرنے اور غیر فعال مراکز و غیر حاضر عملے کے خلاف فوری کارروائی کی ہدایت دی۔
اجلاس میں افغان مہاجرین کی واپسی کے تناظر میں بھی اہم فیصلے کیے گئے۔ کمشنر کوئٹہ ڈویژن نے ہدایت کی کہ واپس بھجوائے جانے والے افغان مہاجرین کو روانگی سے قبل لازمی طور پر پولیو سے بچاؤ کے قطرے پلائے جائیں تاکہ وائرس کی منتقلی کو روکا جا سکے۔
شاہزیب خان کاکڑ نے کہا کہ ضلعی انتظامیہ، محکمہ صحت اور دیگر متعلقہ ادارے مشترکہ طور پر ٹیموں کی رسائی، مانیٹرنگ اور ویکسینیشن کوریج کو مؤثر بنائیں۔ انہوں نے حساس یونین کونسلوں پر خصوصی توجہ دینے اور والدین کو بچوں کو پولیو سے بچاؤ کے قطرے پلانے کے لیے آمادہ کرنے کی مہم مزید تیز کرنے کی ہدایت بھی جاری کی تاکہ بلوچستان کو پولیو فری بنانے کے قومی ہدف کا حصول یقینی بنایا جا سکے۔

KEYWORDS :