نان فنکشنل اسکولوں کی بحالی سے متعلق ڈپٹی کمشنر کوئٹہ کی زیر صدارت اجلاس

کوئٹہ میں نان فنکشنل اسکولوں کو فعال بنانے کے لیے ڈپٹی کمشنر مہراللّٰہ بادینی کی زیر صدارت اہم اجلاس منعقد ہوا، جس میں مرحلہ وار بحالی، کم طلبہ والے اسکولوں کی منتقلی اور نئی عمارتوں کی تعمیر پر غور کیا گیا۔

رپورٹ: سیدہ نتاشا

نان فنکشنل اسکولوں کو فعال بنانے کے لیے ڈپٹی کمشنر کوئٹہ مہراللّٰہ بادینی کی زیر صدارت ایک اہم اجلاس منعقد ہوا۔ اجلاس میں ضلع بھر کے نان فنکشنل اسکولوں کی صورتحال، درپیش مسائل اور ان کے حل پر تفصیلی غور کیا گیا۔
ڈپٹی کمشنر نے کہا کہ وزیر اعلیٰ بلوچستان کے وژن کے مطابق نان فنکشنل اسکولوں کو مرحلہ وار فنکشنل کیا جائے گا تاکہ بچوں کو معیاری اور بروقت تعلیم کی سہولت میسر آ سکے۔ انہوں نے ہدایت کی کہ کم طلبہ والے اسکولوں کو قریبی اسکولوں میں منتقل کیا جائے، جبکہ جہاں اسکولوں کی عمارت موجود نہیں وہاں نئی اسکول بلڈنگز تعمیر کی جائیں گی۔
اجلاس کے دوران متعلقہ افسران کو نان فنکشنل اسکولوں کا مکمل اور مستند ڈیٹا ڈپٹی کمشنر کو پیش کرنے کی ہدایت بھی کی گئی۔ مہراللّٰہ بادینی نے واضح کیا کہ ضلعی انتظامیہ تعلیمی بہتری کے لیے ہمہ وقت متحرک رہے گی اور اس سلسلے میں کسی قسم کی غفلت برداشت نہیں کی جائے