ڈیجی بیز پروگرام کی کامیابی کا جشن، بلوچستان کے فری لانسرز کو خراجِ تحسین

وزیراعلیٰ بلوچستان کی قیادت میں ڈیجی بیز پروگرام کی کامیابی کا جشن منایا گیا اور ٹاپ فری لانسرز کو اعزازات سے نوازا گیا۔ پروگرام کے ذریعے ہزاروں نوجوانوں کو ڈیجیٹل مہارتوں اور فری لانسنگ کے مواقع حاصل ہوئے ہیں۔

کوئٹہ: وزیراعلیٰ بلوچستان میر سرفراز احمد بگٹی کی قیادت میں ڈیجی بیز پروگرام کی کامیابی کا جشن وزیرِ اعلیٰ ہاؤس کوئٹہ میں منایا گیا، جہاں صوبے کے ٹاپ 10 فری لانسرز کو ان کی نمایاں کارکردگی پر اعزازی شیلڈز سے نوازا گیا۔

تقریب میں صوبائی وزراء میر ظہور احمد بلیدی، راحیلہ حمید خان درانی، مشیر کھیل و امورِ نوجوانان مینا مجید، پارلیمانی سیکریٹری عبدالسماد گورگیج اور وزیر داخلہ ضیاء اللہ لانگو سمیت سیاسی، انتظامی اور تعلیمی شخصیات نے شرکت کی۔

اس موقع پر مقررین نے ڈیجی بیز کے ڈائریکٹر جواد احمد اور ان کی ٹیم کی کاوشوں کو سراہتے ہوئے کہا کہ اس پروگرام کے ذریعے ہزاروں نوجوانوں کو ڈیجیٹل مہارتوں، فری لانسنگ کے مواقع اور عالمی ڈیجیٹل مارکیٹ سے منسلک ہونے کے مواقع حاصل ہوئے ہیں۔

انہوں نے کہا کہ ڈیجی بیز پروگرام نوجوانوں کو خود کفالت اور روزگار کے مواقع فراہم کر کے صوبے میں ڈیجیٹل ترقی کے نئے دور کا آغاز کر رہا ہے۔