خاران میں وزیراعظم یوتھ لیپ ٹاپ اسکیم کے تحت 80 سے زائد طلبہ میں لیپ ٹاپس تقسیم

بلوچستان یونیورسٹی سب کیمپس خاران میں وزیراعظم یوتھ لیپ ٹاپ اسکیم 2025 کے تحت 80 سے زائد طلبہ و طالبات میں لیپ ٹاپس تقسیم کیے گئے۔ تقریب میں تعلیمی و انتظامی حکام نے جدید ٹیکنالوجی تک رسائی کو طلبہ کی تعلیمی اور تحقیقی صلاحیتوں کے فروغ کے لیے اہم قرار دیا۔ طلبہ نے اس اقدام کو اپنی تعلیم اور مستقبل کے لیے مفید سہولت قرار دیتے ہوئے خوشی کا اظہار کیا۔

رپورٹ: خاران

خاران میں وزیراعظم یوتھ لیپ ٹاپ اسکیم 2025 کے تحت تقریب کا انعقاد کیا گیا، جہاں بلوچستان یونیورسٹی سب کیمپس خاران کے 80 سے زائد طلبہ و طالبات میں جدید لیپ ٹاپس تقسیم کیے گئے۔تقریب میں فوکل پرسن اور اسسٹنٹ ڈائریکٹر ایگزامینیشن تنویر احمد صالح، فیکلٹی ممبران، انتظامی افسران اور طلبہ نے شرکت کی۔ مقررین نے کہا کہ وزیراعظم یوتھ لیپ ٹاپ اسکیم نوجوانوں کو جدید تعلیمی وسائل فراہم کرنے کی ایک اہم کاوش ہے۔ جدید ٹیکنالوجی تک رسائی طلبہ کی تعلیمی اور تحقیقی صلاحیتوں کو مزید نکھارنے میں مددگار ثابت ہوگی۔ انہوں نے بتایا کہ لیپ ٹاپ اسکیم کے ساتھ بلوچستان ایجوکیشن اینڈومنٹ فنڈ اور دیگر مختلف اسکالرشپ پروگرامز کے ذریعے بھی مستحق طلبہ کو تعلیمی سہولیات فراہم کی جا رہی ہیں۔

مقررین نے اس عزم کا اظہار کیا کہ مستقبل میں بھی ایسے اقدامات جاری رکھے جائیں گے جس سے ہر طالب علم کو جدید تعلیمی سہولیات میسر آئیں اور وہ ملکی ترقی میں اپنا مؤثر کردار ادا کر سکے۔تقریب میں پاکستان مسلم لیگ (ن) خاران کے سینئر رہنما میر محمود جان نوشیروانی ایڈووکیٹ نے بھی خصوصی شرکت کی۔ انہوں نے طلبہ کی حوصلہ افزائی کی،۔لیپ ٹاپس کی تقسیم پر طلبہ و طالبات نے خوشی کا اظہار کرتے ہوئے اسے اپنی تعلیمی سرگرمیوں اور مستقبل کی پیشہ ورانہ ترقی کے لیے ایک اہم سہولت قرار دیا۔

#Kharan #PMYouthLaptopScheme #LaptopDistribution #Students #HigherEducation #Balochistan #UniversityOfBalochistan #DigitalEducation #YouthEmpowerment #EducationForAll #Pakistan #KharanNews