زیارت کلیئرنس آپریشن کامیاب، وزیراعلیٰ بلوچستان کا پولیس اور سیکیورٹی فورسز کو خراجِ تحسین

وزیراعلیٰ بلوچستان نے زیارت میں فتنہ الخوارج کے خلاف کامیاب کلیئرنس آپریشن پر بلوچستان پولیس، سیکیورٹی فورسز اور قانون نافذ کرنے والے اداروں کی کارکردگی کو سراہا۔ انہوں نے کہا کہ شہداء کی قربانیاں رائیگاں نہیں جائیں گی اور دہشت گردی کے مکمل خاتمے تک ریاستی کارروائیاں پوری قوت کے ساتھ جاری رہیں گی۔

کوئٹہ: وزیراعلیٰ بلوچستان نے زیارت میں فتنہ الخوارج کے خلاف کامیاب کلیئرنس آپریشن پر بلوچستان پولیس، سیکیورٹی فورسز اور قانون نافذ کرنے والے تمام اداروں کو خراجِ تحسین پیش کیا ہے۔اپنے بیان میں انہوں نے آپریشن کے دوران جامِ شہادت نوش کرنے والے بلوچستان پولیس کے شہداء کو سلام پیش کرتے ہوئے کہا کہ ان کی قربانیاں ہرگز رائیگاں نہیں جائیں گی اور ان کے خون کے ایک ایک قطرے کا حساب لیا جائے گا۔انہوں نے کہا کہ فتنہ الخوارج اور ان کے سہولت کار یاد رکھیں کہ ریاست کی رٹ کو چیلنج کرنے والوں کے لیے بلوچستان میں کوئی جگہ نہیں۔ وزیراعلیٰ نے اس عزم کا اعادہ کیا کہ دہشت گردی کے مکمل خاتمے تک ریاستی کارروائیاں پوری قوت کے ساتھ جاری رہیں گی۔

Ziarat Clearance Operation
Balochistan Police
Security Forces
Counterterrorism Operations