بلوچستان میں لائیو اسٹاک کے لیے اینیمل ہیلتھ انفارمیشن سسٹم کا افتتاح، بیماریوں کی نگرانی میں بہتری کا عزم

کوئٹہ کے سرینا ہوٹل میں محکمہ لائیو اسٹاک اینڈ ڈیری ڈویلپمنٹ بلوچستان کے زیر اہتمام اینیمل ہیلتھ انفارمیشن سسٹم کی افتتاحی تقریب منعقد ہوئی۔ تقریب کے مہمانِ خصوصی صوبائی وزیر لائیو اسٹاک و ڈیری ڈویلپمنٹ نوابزادہ فیصل خان جمالی تھے، جبکہ مہمانِ اعزاز میں سیکرٹری لائیو اسٹاک، ڈائریکٹر جنرل اینیمل ہیلتھ سروسز، فوڈ اینڈ ایگریکلچر آرگنائزیشن (ایف اے او) کے نمائندگان اور دیگر اعلیٰ حکام شامل تھے۔

اس موقع پر اینیمل ہیلتھ انفارمیشن سسٹم کا باضابطہ افتتاح کیا گیا۔ یہ سافٹ ویئر یوکے ہیلتھ سیکیورٹی ایجنسی (UKHSA) اور نیشنل انسٹی ٹیوٹ آف ہیلتھ اسلام آباد کے اشتراک سے تیار کیا گیا ہے، جس کا مقصد بلوچستان کے محکمہ لائیو اسٹاک اینڈ ڈیری ڈویلپمنٹ میں ہیلتھ سرویلنس سسٹم کی ڈیجیٹلائزیشن کو فروغ دینا ہے۔ اس جدید ڈیجیٹل نظام کا مقصد مویشیوں کی صحت سے متعلق معلومات کو مؤثر انداز میں جمع کرنا، محفوظ رکھنا اور بیماریوں کی بروقت نگرانی کو یقینی بنانا ہے تاکہ ویٹرنری خدمات کی فراہمی کو مزید بہتر اور مؤثر بنایا جا سکے۔

مقررین نے کہا کہ اینیمل ہیلتھ انفارمیشن سسٹم کے ذریعے مویشیوں کی بیماریوں سے متعلق ڈیٹا حاصل کرکے بیماریوں کی بروقت نشاندہی اور مؤثر نگرانی ممکن بنائی جا سکے گی، جس سے صوبے بھر میں مویشیوں کی صحت کی صورتحال کو بہتر انداز میں سمجھنے اور بیماریوں کے پھیلاؤ کی روک تھام میں مدد ملے گی۔

مزید یہ کہ حکام نے اس بات پر زور دیا کہ اس نظام کے نفاذ سے نہ صرف مویشی پالنے والوں کو فوری رہنمائی میسر آئے گی بلکہ صوبے میں food security اور معیشت کے اہم شعبے لائیو اسٹاک کو بھی مضبوط بنانے میں مدد ملے گی۔

Keywords : Animal Health Information System, Balochistan Livestock, Digital Surveillance, Veterinary Services