نیب بلوچستان اور یونیورسٹی آف لورالائی کے اشتراک سے منعقدہ ویبینار میں طلبہ کو کرپشن کے منفی اثرات، خود احتسابی اور دیانت داری کی اہمیت سے آگاہ کیا گیا۔ مقررین نے کہا کہ نوجوان نسل اقربا پروری، رشوت اور سفارش جیسے رویوں کے خلاف مؤثر کردار ادا کرکے کرپشن سے پاک معاشرے کے قیام میں اہم حصہ ڈال سکتی ہے۔
.jpeg)
بلوچستان میں یونیسیف اور ناروے کے تعاون سے 12 ہزار سے زائد غیر اسکول جانے والے بچوں کو دوبارہ تعلیمی نظام میں شامل کیا جائے گا۔ اس مقصد کے لیے دور دراز علاقوں میں Accelerated Learning Programme کے مراکز قائم کیے جائیں گے تاکہ بچوں کو تیز رفتار تعلیم فراہم کی جا سکے۔
بلوچستان بورڈ نے میٹرک اور انٹرمیڈیٹ امتحانات کے لیے نیا گریڈنگ سسٹم نافذ کر دیا ہے جس کے تحت پوزیشن کا تعین گریڈز کی بنیاد پر ہوگا۔ نئے نظام کا مقصد تعلیمی معیار کو بہتر بنانا اور طلبہ کی کارکردگی کو شفاف انداز میں جانچنا ہے۔
کوئٹہ میں سردار بہادر خان وومن یونیورسٹی میں پی ایم یو-بی ای ایس پی اسکالرشپ پروگرام سے متعلق اورینٹیشن سیشن منعقد کیا گیا۔ اس موقع پر طالبات کو مکمل فنڈڈ اسکالرشپ، اہلیت کے معیار اور داخلہ و تعلیمی سہولیات کے بارے میں تفصیلی آگاہی
کوئٹہ: گورنر بلوچستان جعفر خان مندوخیل نے اعلیٰ تعلیم کے فروغ کے لیے ہائر ایجوکیشن کمیشن کے ریجنل سینٹر کا سنگ بنیاد رکھ دیا۔ 78.61 ملین روپے کی لاگت سے تعمیر ہونے والا یہ مرکز صوبے میں تحقیق، جدت اور اعلیٰ تعلیمی اداروں کی استعداد بڑھانے میں اہم کردار ادا کرے گا۔
چیئرمین ایچ ای سی کا جامعہ بلوچستان کا دورہ، وزیراعظم لیپ ٹاپ اسکیم کے تحت لیپ ٹاپ تقسیم کوئٹہ: چیئرمین ایچ ای سی نے جامعہ بلوچستان کا دورہ کیا اور وزیراعظم لیپ ٹاپ اسکیم کے تحت طلبہ میں لیپ ٹاپ تقسیم کیے۔ انہوں نے کوالٹی اشورنس نیٹ ورک کی ویب سائٹ کا افتتاح بھی کیا اور اعلیٰ تعلیم و ڈیجیٹل لرننگ کے فروغ پر زور دیا۔
موسیٰ خیل میں پی ایم یو ـ بی ای ایس پی اسکالرشپ پروگرام کے تحت آگاہی سیشن منعقد ہوا، جس کی صدارت ڈپٹی کمشنر عبدالرزاق خان خجک نے کی۔ سیشن میں طالبات کو مکمل فنڈڈ اسکالرشپس، اہلیت کے معیار اور درخواست کے طریقہ کار سے آگاہ کیا گیا۔ ضلعی انتظامیہ نے طالبات کی تعلیم اور بااختیاری کے لیے اپنے عزم کا اعادہ کرتے ہوئے پروگرام کی بھرپور تشہیر کی ہدایت بھی جاری کی
بلوچستان یونیورسٹی سب کیمپس خاران میں وزیراعظم یوتھ لیپ ٹاپ اسکیم 2025 کے تحت 80 سے زائد طلبہ و طالبات میں لیپ ٹاپس تقسیم کیے گئے۔ تقریب میں تعلیمی و انتظامی حکام نے جدید ٹیکنالوجی تک رسائی کو طلبہ کی تعلیمی اور تحقیقی صلاحیتوں کے فروغ کے لیے اہم قرار دیا۔ طلبہ نے اس اقدام کو اپنی تعلیم اور مستقبل کے لیے مفید سہولت قرار دیتے ہوئے خوشی کا اظہار کیا۔
وزیر اعلیٰ بلوچستان میر سرفراز بگٹی کی زیر صدارت اجلاس میں تعلیمی شعبے میں اہم اصلاحات کی منظوری دی گئی۔ پرائمری سطح پر یونیفارم کی شرط ختم کرنے، اسکولوں کو جینڈر فری بنانے، 900 اسکولوں میں ڈبل شفٹ نظام متعارف کرانے اور این سی ایچ ڈی اساتذہ کی تنخواہوں میں اضافے کا فیصلہ کیا گیا۔ حکومت نے سنگل روم اسکولوں میں اضافی کمروں کی تعمیر اور سرکاری اسکولوں سے ٹاٹ کلچر کے خاتمے کا بھی اعلان کیا۔
وزیراعظم یوتھ پروگرام لیپ ٹاپ اسکیم کے تحت جامعہ بلوچستان میں لیپ ٹاپ تقسیم کرنے کی تقریب منعقد ہوئی۔ گورنر بلوچستان جعفر خان مندوخیل اور رکن قومی اسمبلی نوابزادہ جمال رئیسانی نے طلبہ میں لیپ ٹاپ تقسیم کیے جبکہ جامعہ میں اسمارٹ کلاسز کا بھی افتتاح کیا گیا۔ مقررین نے جدید تعلیم اور ڈیجیٹل سہولیات کے فروغ کی اہمیت پر زور دیا۔
گورنمنٹ گرلز ہائی اسکول کوئٹہ کینٹ میں مدرز ڈے کے حوالے سے ایک پروقار تقریب کا انعقاد کیا گیا، جس میں صوبائی وزیر تعلیم راحیلہ حمید خان درانی، عبدالسلام اچکزئی اور دیگر معزز مہمانوں نے شرکت کی۔ تقریب کا آغاز شجرکاری مہم سے ہوا جہاں وزیر تعلیم نے اپنی والدہ کی یاد میں پودا لگایا۔ طلبہ نے ماؤں سے محبت اور عقیدت کے اظہار کے لیے خوبصورت کارڈز، تقاریر، ٹیبلوز اور ملی نغمے پیش کیے جنہیں حاضرین نے بے حد سراہا۔ مقررین نے ماں کی عظمت، قربانی اور اسلام میں اس کے بلند مقام پر روشنی ڈالی، جبکہ وزیر تعلیم نے کہا کہ جنت ماں کے قدموں تلے ہے۔ تقریب کے اختتام پر جذباتی تقاریر نے شرکاء کو متاثر کیا۔
پرائم منسٹر یوتھ پروگرام کے تحت وزیراعظم یوتھ لیپ ٹاپ اسکیم فیز فور کا سلسلہ جاری ہے، جس کے تحت بلوچستان کے اٹھارہ ہزار سے زائد طلبہ کو لیپ ٹاپ فراہم کیے جائیں گے۔ اس منصوبے کا مقصد نوجوانوں کو جدید ٹیکنالوجی، آن لائن تعلیم اور تحقیقی سہولیات تک رسائی دینا ہے تاکہ وہ تعلیمی میدان میں بہتر کارکردگی دکھا سکیں۔ طلبہ اور تعلیمی حلقوں نے اس اقدام کو نوجوانوں کے روشن مستقبل کی جانب ایک مثبت قدم قرار دیا ہے۔
بلوچستان کے طلبہ نے پہلی بار بین الاقوامی کینگرو ریاضی مقابلے میں شرکت کی، جس میں 12 اضلاع سے 150 پرائمری سطح کے طلبہ نے گورنمنٹ اسکولز اور اے ایل پی مراکز کی نمائندگی کی۔ یہ اقدام مقامی طلبہ کو عالمی تعلیمی پلیٹ فارمز سے جوڑنے اور ان کی تجزیاتی و تخلیقی صلاحیتوں کو فروغ دینے کی جانب ایک اہم پیش رفت ہے۔
بلوچستان بورڈ آف انٹرمیڈیٹ اینڈ سیکنڈری ایجوکیشن نے میٹرک سالانہ امتحانات 2026 کے نتائج کا اعلان کردیا۔ نویں جماعت میں کامیابی کا تناسب 73.56 فیصد جبکہ دسویں جماعت میں 89.32 فیصد رہا۔ بلوچستان ریذیڈینشل کالج لورالائی کے طالب علم احمد نے 1051 نمبر حاصل کرکے پہلی پوزیشن حاصل کی، جبکہ مطیع اللہ دوسرے اور یونس خان و محمد مدثر مشترکہ طور پر تیسرے نمبر پر رہے۔ نتائج کے اعلان کے بعد طلبہ اور والدین میں خوشی کی لہر دوڑ گئی۔
بلوچستان کے دور دراز اور پسماندہ علاقوں میں علم کی روشنی پھیلانے کے لیے ایک منفرد اور مؤثر اقدام کے تحت "بک وین" اور "سائنس رائیڈ" منصوبے کامیابی کے ساتھ جاری ہیں، جو دیہات میں بچوں تک گھر گھر تعلیم پہنچا رہے ہیں۔
حکومتِ بلوچستان کی تعلیمی اصلاحات کے تحت ضلع گوادر کے تمام 313 سرکاری اسکول مکمل طور پر فعال کر دیے گئے ہیں۔ فیز فور اصلاحات پروگرام کے نتیجے میں نان فنکشنل اسکولوں کی بحالی اور اساتذہ کی بھرتی مکمل ہوئی، جس سے داخلوں میں اضافے اور تعلیمی معیار میں بہتری کی توقع ہے۔ ضلع گوادر فیز فور کے تحت تمام تعلیمی ادارے فعال کرنے والا بلوچستان کا پہلا ضلع بن گیا
گوادر یونیورسٹی میں تین روزہ دوسرا بزنس اور کلچرل گالا شاندار انداز میں شروع ہوا، جو 2 فروری سے 4 فروری تک جاری رہے گا۔ اس گالا کا مقصد طلباء کی تخلیقی صلاحیتوں کو ابھارنا، کاروباری مواقع کو اجاگر کرنا اور بلوچستان کی ثقافت کو فروغ دینا ہے۔ پروگرام کے ذریعے نوجوانوں کو عملی زندگی اور کاروباری دنیا سے جوڑنے کی کوشش کی جا رہی ہے تاکہ وہ مستقبل میں ملازمت کے متلاشی نہیں بلکہ خود روزگار پیدا کرنے والے بن سکیں۔ افتتاحی تقریب کی صدارت یونیورسٹی کے وائس چانسلر پروفیسر ڈاکٹر عبدالرزاق صابر نے کی۔ تقریب میں مہمان خصوصی ایم پی اے گوادر مولانا ہدایت الرحمٰن بلوچ کے ساتھ ساتھ مقامی علمی و سماجی شخصیات بھی موجود تھیں۔ وائس چانسلر نے خطاب کرتے ہوئے کہا کہ ایسے پروگرام طلباء کی تعلیمی اور عملی ترقی کے لیے نہایت اہم ہیں اور یہ یونیورسٹی کی کوشش ہے کہ نوجوان اپنی صلاحیتوں کو معاشرتی اور اقتصادی ترقی میں بدل سکیں۔مولانا ہدایت الرحمٰن بلوچ نے نوجوانوں کو ترغیب دی کہ وہ تعلیم کے ساتھ کاروبار اور نئے منصوبوں پر بھی توجہ دیں، کیونکہ نوجوان ہی ملک کی سب سے بڑی سرمایہ کاری ہیں۔ انہوں نے کہا کہ عملی تجربات کے مواقع نوجوانوں کو معاشی ترقی کی راہ پر گامزن کرتے ہیں اور گوادر اور بلوچستان کے لیے نئی کامیابیاں ممکن بناتے ہیں۔ تقریب میں پرو وائس چانسلر، رجسٹرار، کنٹرولر امتحانات، ڈینز اور دیگر اہم انتظامی عہدے دار بھی موجود تھے۔ مقررین نے کہا کہ یہ گالا نوجوانوں کو کاروبار، ثقافت اور جدت کے شعبوں میں عملی تجربہ فراہم کرنے کا بہترین موقع ہے، جو گوادر کی سماجی اور اقتصادی ترقی میں مددگار ثابت ہوگا۔اختتامی سلسلے میں مہمانوں کو یادگاری شیلڈز بھی دی گئیں۔ گالا کے اگلے دو دنوں میں کاروباری نمائشیں، طلباء کے اسٹارٹ اپس، ثقافتی پروگرام اور پینل مباحثے منعقد ہوں گے۔
وزیر اعلیٰ بلوچستان میر سرفراز احمد خان بگٹی کے وژن اور نوجوانوں سے دوستانہ پالیسی کے تحت، محکمہ امورِ نوجوانان حکومت بلوچستان کے زیرِ اہتمام، بلوچستان یوتھ سوشو اکنامک ڈیولپمنٹ پروگرام کے تحت ایک روزہ تربیتی سیشن کامیابی کے ساتھ گورنمنٹ گرلز ہائی سکول جنہ تربت میں منعقد کیا گیا۔ اس سیشن میں محترمہ مس مہجبین فقیر محمد نے بطور ٹرینر نوجوان طالبات کو شہری تعلیم (Civic Education) سے متعلق آگاہی اور ذمہ داری کے شعور کی تعلیم دی۔ اس تربیتی سرگرمی میں 136 سے زائد طالبات نے حصہ لیا اور فعال طور پر حصہ لے کر پروگرام کی کامیابی میں اپنا کردار ادا کیا۔یہ پروگرام بلوچستان کے دیگر دور دراز علاقوں میں بھی جاری ہے جو حکومت بلوچستان اور وزیر اعلی بلوچستان کی نوجوان دوست پالیسی کے مثبت اثرات کی عکاسی کرتے ہیں۔ اس منصوبے کے تحت اب تک 11 ہزار سے زائد نوجوانوں کو تربیت فراہم کی جا رہی ہے۔ جس کا مقصد نوجوانوں میں آئینی شعور، سماجی اقدار اور ذمہ داری کے احساس کو فروغ دینا ہے۔
ڈی جی آئی ایس پی آر لیفٹیننٹ جنرل احمد شریف چوہدری نے یونیورسٹی آف گوادر کا دورہ کیا جہاں انہوں نے طلبہ و اساتذہ سے خصوصی انٹرایکٹو سیشن میں گفتگو کی۔ سیشن میں معلوماتی جنگ، سوشل میڈیا کے کردار اور ذمہ دارانہ معلومات کے استعمال پر آگاہی دی گئی۔ شرکاء نے سیشن کو نوجوانوں کے لیے نہایت مفید اور بروقت قرار
ضلع نصیرآباد میں مڈل کے سالانہ امتحانات 6 فروری سے شیڈول کے مطابق شروع ہوں گے۔ امتحانات کے شفاف اور پُرامن انعقاد کے لیے ضلعی انتظامیہ، محکمہ تعلیم اور پولیس کے اشتراک سے سخت سیکیورٹی اور نگرانی کے انتظامات کیے گئے ہیں۔ 27 امتحانی مراکز پر پولیس اہلکار تعینات ہوں گے جبکہ نقل کے خاتمے اور نظم و ضبط کو یقینی بنانے پر خصوصی زور دیا گیا ہے۔
