کوئٹہ میں وزیر اعلیٰ بلوچستان میر سرفراز بگٹی کی زیر صدارت ہارڈننگ آف دی اسٹیٹ کانفرنس کا 21واں اجلاس منعقد ہوا جس میں صوبائی و وفاقی اداروں اور سیکیورٹی فورسز نے شرکت کی۔ اجلاس میں امن و امان، اینٹی سمگلنگ و اینٹی نارکوٹکس اقدامات، بی ایریاز سے اے ایریاز کنورژن، ترقیاتی منصوبوں کی پیشرفت اور عوامی فلاح و بہبود پر تفصیلی غور کیا گیا اور بلوچستان کے روشن مستقبل کے لیے مربوط حکمت عملی پر عزم کا اظہار کیا گیا۔
وزیر اعلیٰ بلوچستان میر سرفراز بگٹی نے کہا ہے کہ محکمۂ خزانہ میں 111 بھرتیوں کا عمل مکمل طور پر شفاف انداز میں مکمل کیا گیا ہے، جس پر کامیاب اور فیل دونوں امیدواروں نے اطمینان کا اظہار کیا۔ انہوں نے واضح کیا کہ بلوچستان میں نوکریاں اب صرف میرٹ پر دی جائیں گی اور سفارش و رشوت کا خاتمہ کیا جائے گا۔
کوئٹہ: ڈپٹی اسپیکر بلوچستان اسمبلی غزالہ گولہ نے قائم مقام گورنر بلوچستان کے عہدے کا حلف اٹھا لیا۔ حلف برداری کی تقریب گورنر ہاؤس کوئٹہ میں منعقد ہوئی، جہاں چیف جسٹس بلوچستان ہائی کورٹ جسٹس کامران خان ملاخیل نے ان سے حلف لیا۔ تقریب میں وزیراعلیٰ بلوچستان میر سرفراز بگٹی، اراکین پارلیمنٹ، صوبائی سیکرٹریز اور دیگر اعلیٰ حکام و معزز شخصیات نے شرکت کی۔ اس موقع پر صوبے کی سیاسی و انتظامی قیادت کی موجودگی نے تقریب کی اہمیت کو مزید اجاگر کیا۔ غزالہ گولہ کی قائم مقام گورنر کے طور پر حلف برداری کو صوبے میں آئینی عمل کے تسلسل کی ایک اہم پیش رفت قرار دیا جا رہا ہے۔
گوادر سمیت مکران کے مختلف ساحلی علاقوں میں سمندر کا پانی الجی بلوم کے باعث غیر معمولی طور پر سبز ہو گیا ہے، جس سے آکسیجن کی سطح میں کمی واقع ہوئی اور سمندری حیات کو شدید نقصان پہنچا۔ مچھلیوں، سمندری سانپوں اور پرندوں کی بڑی تعداد ہلاک ہو چکی ہے، جبکہ ماہرین اور حکام صورتحال پر نظر رکھے ہوئے ہیں۔
محکمہ موسمیات کے مطابق 19 جنوری کی شام سے مغربی ہواؤں کا نیا سلسلہ بلوچستان میں داخل ہوگا، جس کے باعث مختلف اضلاع میں بارش، ژالہ باری اور پہاڑی علاقوں میں برفباری کا امکان ہے۔ 21 سے 23 جنوری کے دوران کوئٹہ اور زیارت میں شدید برفباری جبکہ شمالی و وسطی بلوچستان میں درجہ حرارت میں نمایاں کمی متوقع ہے۔ مسافروں کو غیر ضروری سفر سے گریز کی ہدایت جاری کی گئی ہے۔
ایئرسیال ایئرلائن نے کراچی اور کوئٹہ کے درمیان ہفتہ وار تین پروازیں شروع کر دی ہیں جو پیر، بدھ اور جمعہ کو آپریٹ کی جائیں گی۔ افتتاحی پرواز 180 مسافروں کے ساتھ کوئٹہ انٹرنیشنل ایئرپورٹ پر پہنچی جہاں اس موقع پر ایک افتتاحی تقریب بھی منعقد ہوئی۔ ایئرپورٹ انتظامیہ نے ایئرسیال کا خیرمقدم کرتے ہوئے لاہور اور اسلام آباد سے بھی کوئٹہ کے لیے پروازیں شروع کرنے کی درخواست کی، جبکہ ایوی ایشن ذرائع کے مطابق کوئٹہ ایئرپورٹ پر پروازوں میں اضافے کی مکمل سہولیات موجود ہیں۔
ایف آئی اے اینٹی ہیومن ٹریفکنگ سرکل کوئٹہ نے بڑی کارروائی کرتے ہوئے انسانی اسمگلنگ اور ویزا فراڈ میں ملوث سابقہ ریٹائرڈ ملازم محمد اسماعیل کو گرفتار کر لیا۔ ملزم سوشل میڈیا کے ذریعے شہریوں کو بیرون ملک بھجوانے کا جھانسہ دے کر بھاری رقوم وصول کرتا تھا۔
گوادر کے قریب مکران کوسٹل ہائی وے پر مسافر بس کو حادثہ پیش آیا، جس میں 36 افراد زخمی ہو گئے جبکہ 7 کی حالت تشویشناک بتائی جا رہی ہے۔ وزیر اعلیٰ بلوچستان میر سرفراز بگٹی نے حادثے پر گہرے دکھ اور افسوس کا اظہار کرتے ہوئے زخمیوں کو بہترین طبی سہولیات فراہم کرنے، جاں بحق افراد کے جسدِ خاکی آبائی علاقوں تک پہنچانے اور واقعے کی تفصیلی رپورٹ طلب کرنے کی ہدایت جاری کر دی ہے۔
صوبائی سیکرٹری خزانہ عمران زرکون نے کہا ہے کہ محکمہ خزانہ میں آن لائن ٹیسٹ اور انٹرویوز کا انعقاد صوبے میں ڈیجیٹلائزیشن کی جانب ایک تاریخی قدم ہے، جس سے بھرتیوں کے عمل میں شفافیت کو فروغ ملے گا۔ انہوں نے واضح کیا کہ سب اکاؤنٹنٹ کی پوسٹ گریڈ 14 کی ہے اور امیدوار افواہوں کے بجائے سرکاری اشتہارات پر اعتماد کریں۔
کوئٹہ میں وزیر اعلیٰ بلوچستان میر سرفراز بگٹی کے اعلان پر ایک ہی دن میں عملدرآمد کرتے ہوئے خروٹ آباد پولیس اسٹیشن اور سرکاری ٹی بی سینٹوریم اسکول کا نام تبدیل کرکے شہید میجر انور کاکڑ کے نام سے منسوب کر دیا گیا۔ وزیر اعلیٰ نے کہا کہ شہداء قومی ہیرو ہیں اور ان کی قربانیاں ہمیشہ یاد رکھی جائیں گی۔
مستونگ میں ایف سی 78 ونگ نے مربوط اور مؤثر کارروائیوں کے دوران منشیات اور مضرِ صحت اشیاء کے ایک بڑے غیر قانونی نیٹ ورک کو شدید دھچکا پہنچایا۔ کارروائیوں میں مجموعی طور پر 12 کروڑ 60 لاکھ روپے مالیت کی غیر قانونی سگریٹس، چالیاں، گٹکا اور نسوار برآمد کر کے قانونی تقاضے پورے کرتے ہوئے نذرِ آتش تلف کر دیا گیا۔
وفاقی وزیرداخلہ محسن نقوی اور وزیراعلیٰ بلوچستان میر سرفراز بگٹی نے فرنٹیئر کور بلوچستان نارتھ ہیڈکوارٹر کا دورہ کیا، جہاں انہیں چاک و چوبند دستے نے سلامی پیش کی۔ رہنماؤں نے یادگارِ شہداء پر حاضری دی، فاتحہ خوانی کی اور قیامِ امن میں ایف سی نارتھ کے کردار اور قربانیوں کو خراجِ تحسین پیش کیا۔
وفاقی وزیر داخلہ محسن نقوی اور وزیر اعلیٰ بلوچستان سرفراز بگٹی نے کوئٹہ میں شہید میجر انور کاکڑ کی رہائش گاہ کا دورہ کیا، اہل خانہ سے ملاقات کی اور دلی تعزیت کا اظہار کیا۔ رہنماؤں نے شہید کی عظیم قربانی کو خراج عقیدت پیش کیا، فاتحہ خوانی کی اور اہل خانہ کے لیے حکومتی تعاون کے اہم اعلانات کیے۔
پسنی میں پاکستان کوسٹ گارڈز بٹالین فور کی جانب سے غریب و مستحق ماہی گیروں میں سپورٹ بوٹس تقسیم کیے گئے۔ تقریب میں سیکٹر کمانڈر بریگیڈیئر عارف ربانی اور لیفٹیننٹ کرنل بلال جالپ بھی موجود تھے۔ ماہی گیروں نے اس فلاحی اقدام کو سراہا اور مستقبل میں بھی ایسے اقدامات جاری رکھنے کی امید ظاہر کی۔
بلوچستان میں ملٹی ہیزرڈ ولنریبلٹی اینڈ رسک اسیسمنٹ (MHVRA) گائیڈ لائنز پر عملدرآمد کے حوالے سے پی ڈی ایم اے بلوچستان میں ایک اہم جائزہ اجلاس منعقد ہوا، جس میں آفات کے خطرات میں کمی اور مؤثر ترقیاتی منصوبہ بندی پر زور دیا گیا۔
170 ونگ کے کمانڈر لیفٹینیٹ کرنل علی محیدی نے ریکوڈک سے ملحقہ دیہات نوکچاہ کا دورہ کیا، جہاں انہوں نے مقامی عمائدین، کمیونٹی سربراہان اور قبائلی رہنماؤں سے ملاقات کی۔ ملاقات میں امن و امان، عوامی تعاون اور تعلیم کی اہمیت پر تفصیلی گفتگو کی گئی۔
وزیر اعلیٰ بلوچستان میر سرفراز بگٹی کی زیر صدارت چیف منسٹر یوتھ اسکلز ڈویلپمنٹ پروگرام کا جائزہ اجلاس منعقد ہوا، جس میں پروگرام پر سست روی دکھانے والی فرمز کے خلاف کارروائی، تربیتی ماڈیولز کو جدید بنانے اور نوجوانوں کے لیے بیرون ملک روزگار کے مواقع پیدا کرنے کے فیصلے کیے گئے۔
شدید سردی کے دوران کوئٹہ، زیارت، سوئی اور قلات میں گیس کے کم پریشر اور عدم دستیابی پر وزیر اعلیٰ بلوچستان میر سرفراز بگٹی نے شدید برہمی کا اظہار کیا ہے۔ انہوں نے پی پی ایل اور سوئی سدرن گیس کمپنی کو فوری اقدامات کی ہدایت کرتے ہوئے کہا کہ عوام کو مزید تکلیف میں نہیں چھوڑا جا سکتا۔ وزیر اعلیٰ نے گیس حادثات پر بھی تشویش ظاہر کی اور صورتحال سے آگاہی کے لیے وزیر اعظم پاکستان کو خط لکھنے کا اعلان کیا۔
وزیر اعلیٰ بلوچستان سے یو این ایف پی اے کنٹری ریپریزنٹیٹو کی ملاقات، آبادی اور صحت سے متعلق پالیسیوں پر تبادلہ خیال
انسدادِ منشیات فورس (اے این ایف) نے بلوچستان میں منشیات اسمگلنگ کے خلاف کارروائیاں کرتے ہوئے دو مختلف آپریشنز میں دو ملزمان کو گرفتار کر لیا۔ کارروائیوں کے دوران 6 کروڑ 3 لاکھ روپے سے زائد مالیت کی 55 کلوگرام منشیات برآمد کی گئی۔
