حکومتِ بلوچستان نے امن و امان کی صورتحال برقرار رکھنے کے لیے صوبے بھر میں دفعہ 144 نافذ کر دی ہے۔ اعلامیے کے مطابق اسلحہ کی نمائش، موٹر سائیکل کی ڈبل سواری، کالے شیشوں والی اور غیر رجسٹرڈ گاڑیوں کے استعمال، پانچ یا اس سے زائد افراد کے اجتماعات اور چہرہ ڈھانپنے پر پابندی عائد کر دی گئی ہے۔ یہ پابندیاں ایک ماہ تک نافذ العمل رہیں گی اور خلاف ورزی کی صورت میں قانونی کارروائی کی جائے گی۔
اسپیکر بلوچستان اسمبلی کیپٹن (ر) عبدالخالق اچکزئی نے دہشت گردی کی حالیہ کوشش ناکام بنانے پر پولیس اور سکیورٹی فورسز کی جرات، پیشہ ورانہ مہارت اور بروقت کارروائی کو سراہتے ہوئے کہا ہے کہ دشمن عناصر کے ناپاک عزائم خاک میں مل گئے ہیں۔ انہوں نے شہداء کے اہل خانہ سے اظہارِ تعزیت کیا اور بلوچستان میں امن و امان کے قیام کے عزم کا اعادہ کیا۔
ڈی جی آئی ایس پی آر لیفٹیننٹ جنرل احمد شریف چوہدری نے یونیورسٹی آف تربت کا دورہ کیا جہاں طلبہ اور اساتذہ کے ساتھ ایک خصوصی نشست منعقد ہوئی۔ نشست میں قومی سلامتی، معلوماتی جنگ، قومی بیانیے اور ذمہ دارانہ سوچ کی اہمیت پر گفتگو کی گئی۔ طلبہ و اساتذہ نے سیشن کو معلوماتی قرار دیتے ہوئے قومی یکجہتی اور مثبت شعور کے فروغ کے لیے مشترکہ جدوجہد پر اتفاق
انسپکٹر جنرل پولیس بلوچستان محمد طاہر نے کہا ہے کہ بلوچستان پولیس نے قیامِ امن کے لیے بے شمار قربانیاں دی ہیں۔ انہوں نے شہداء کو خراجِ تحسین پیش کرتے ہوئے کہا کہ عوام اور سیکیورٹی فورسز کے باہمی تعاون سے صوبے سے دہشت گردی کا خاتمہ ممکن بنایا جائے گا۔ آئی جی پولیس نے مختلف تھانوں اور سیکیورٹی اداروں کے دورے کے دوران پولیس فورس کے حوصلے اور پیشہ ورانہ صلاحیتوں کو سراہا۔
وزیراعلیٰ بلوچستان میر سرفراز بگٹی نے گزشتہ رات کوئٹہ شہر کے مختلف مقامات کا دورہ کیا جہاں انہوں نے سیکیورٹی پر مامور پولیس اہلکاروں سے ملاقات کی اور ان کے حوصلے بلند کیے۔ وزیراعلیٰ نے کہا کہ بلوچستان کے جوان ہر قسم کی دہشت گردی اور بے امنی سے نمٹنے کے لیے مکمل طور پر تیار ہیں۔
وفاقی وزیر داخلہ محسن نقوی، وزیراعلیٰ بلوچستان میر سرفراز بگٹی اور کور کمانڈر بلوچستان نے سی ایم ایچ کوئٹہ میں زیرِ علاج زخمی پولیس اہلکاروں کی عیادت کی۔ رہنماؤں نے اہلکاروں کے بلند حوصلے اور دہشت گردوں کے خلاف جرات مندانہ مزاحمت کو سراہا۔ زخمی اہلکاروں نے صحتیاب ہو کر دوبارہ دہشت گردی کے خلاف صفِ اول میں لڑنے کے عزم کا اظہار کیا۔
وزیراعلیٰ بلوچستان نے کوئٹہ میں پریس کانفرنس کے دوران شہداء کو خراجِ عقیدت پیش کرتے ہوئے کہا کہ صوبے میں دہشت گردی کے خلاف بھرپور اور فیصلہ کن کارروائیاں جاری ہیں۔ انہوں نے انکشاف کیا کہ 40 گھنٹوں میں 145 دہشت گردوں کو ہلاک کیا گیا جبکہ دہشت گردوں کے خلاف آپریشن بدستور جاری ہے۔ وزیراعلیٰ کا کہنا تھا کہ دہشت گردی کو کسی صورت برداشت نہیں کیا جائے گا اور بلوچستان کے نوجوانوں کو ریاست سے دور کرنے کی سازشیں ناکام بنائی جائیں گی۔
وزیر اعلیٰ بلوچستان میر سرفراز بگٹی نے ضلع ہرنائی میں انٹیلیجنس بیسڈ آپریشن کے دوران 41 بھارتی اسپانسرڈ دہشت گردوں کی ہلاکت اور بھاری ہتھیاروں کی برآمدگی کو سیکورٹی فورسز کی اعلیٰ پیشہ ورانہ صلاحیتوں کا مظہر قرار دیا۔ انہوں نے کہا کہ صوبے میں دہشت گردی کے خاتمے، کرپشن کے انسداد اور میرٹوکریسی کے فروغ کے لیے مؤثر اقدامات جاری ہیں۔
وزیراعظم شہباز شریف نے صنعتی شعبے کو ریلیف دیتے ہوئے بجلی کی قیمت میں 4 روپے 4 پیسے فی یونٹ کمی کا اعلان کر دیا۔ انہوں نے کہا کہ حکومت کا کردار کاروبار کرنا نہیں بلکہ کاروبار کے لیے سازگار ماحول فراہم کرنا ہے۔ ان کا کہنا تھا کہ برآمدات پر مبنی ترقی، نجکاری میں شفافیت، ٹیکس اصلاحات اور ڈیجیٹل شعبے کی ترقی حکومت کی ترجیحات میں شامل ہیں۔
سیکیورٹی فورسز نے قلعہ عبداللہ کے علاقے نورک سلیمان خیل میں مشترکہ کارروائی کے دوران منشیات پروسیسنگ فیکٹری کا سراغ لگا کر 73 کلوگرام آئس اور 345 کلوگرام خام مال برآمد کر لیا، جس کی مجموعی مالیت 5.8 ارب روپے بتائی جا رہی ہے۔
محکمہ موسمیات کے مطابق بلوچستان میں آج سے بارشوں کا نیا موسمی نظام داخل ہو رہا ہے، جس کے تحت کوئٹہ سمیت شمالی اور پہاڑی اضلاع میں بارش اور ہلکی برفباری کا امکان ہے۔ پی ڈی ایم اے نے ممکنہ صورتحال کے پیش نظر الرٹ جاری کرتے ہوئے شہریوں کو غیر ضروری سفر سے گریز کی ہدایت کی ہے۔
وزیر اعلیٰ بلوچستان میر سرفراز بگٹی نے کہا ہے کہ صوبے میں غیر فعال سرکاری اسکولوں کی بحالی کا عمل تیزی سے جاری ہے، جبکہ ضلع گوادر بلوچستان کا پہلا ضلع بن گیا ہے جہاں کوئی بھی سرکاری اسکول غیر فعال نہیں رہا۔ محکمہ تعلیم نے تحریری طور پر تصدیق کرتے ہوئے تمام اسکولوں کی فعالیت کا سرٹیفکیٹ بھی جاری کر دیا ہے۔
وزیراعلیٰ بلوچستان میر سرفراز بگٹی ایک روزہ دورے پر کوہلو پہنچے جہاں قبائلی عمائدین اور پاکستان پیپلز پارٹی کے کارکنوں نے ان کا پرتپاک استقبال کیا۔ وزیراعلیٰ نے کوہلو کی ترقی، امن و امان کی بہتری اور قبائلی تنازعات کے خاتمے کے لیے اہم اعلانات کیے، جن میں اضافی گرانٹ، شہری سہولیات کی بہتری اور نئی تحصیلوں کا قیام شامل ہے۔
ضلع زیارت میں برف باری کے بعد کلی مردار کچھ روڈ اور ڈومیارہ روڈ کو کامیابی سے برف سے پاک کر کے آمدورفت کے لیے بحال کر دیا گیا۔ ضلعی انتظامیہ کی بروقت کارروائی سے مقامی آبادی اور مسافروں کو سہولت میسر آ گئی۔
وزیر اعلیٰ بلوچستان میر سرفراز بگٹی نے رکھنی میں عوامی اجتماع سے خطاب کرتے ہوئے علاقے کی ترقی، میرٹ، نوجوانوں کے مستقبل اور ریاست کے استحکام سے متعلق اہم اعلانات کیے۔ انہوں نے رکھنی میں ہسپتال، ماڈل بازار، اسپورٹس کمپلیکس اور ڈیم کی مرمت سمیت متعدد ترقیاتی منصوبوں کا اعلان کیا۔
ریکوڈک مائننگ کمپنی کے مطابق منصوبے میں اس وقت 705 ملازمین کام کر رہے ہیں جن میں 76 فیصد مقامی افراد شامل ہیں، جن کا بڑا حصہ ضلع چاغی سے تعلق رکھتا ہے۔ کمپنی کا کہنا ہے کہ مقامی افراد کو روزگار، تربیت اور ترقی کے مواقع فراہم کر کے انہیں مستقبل میں قیادت کے لیے تیار کیا جا رہا ہے۔ منصوبے کے تحت صنفی شمولیت کو بھی فروغ دیا جا رہا ہے اور اس کا مقصد ضلع چاغی میں پائیدار ترقی اور مقامی کمیونٹیز کو مضبوط بنانا
صوبائی وزیرِ صحت بلوچستان بخت محمد کاکڑ نے جی ڈی اے ہسپتال گوادر کا دورہ کیا اور فراہم کی جانے والی طبی سہولیات کا جائزہ لیا۔ اس موقع پر انہوں نے انتظامیہ کو سہولیات مزید بہتر بنانے کی ہدایات دیں اور مکران ڈویژن میں صحت کے شعبے میں مکمل تعاون کی یقین دہانی کروائی۔
وزیر اعلیٰ بلوچستان میر سرفراز بگٹی کا کہنا ہے کہ گزشتہ دو ماہ کے دوران کوئٹہ میں جرائم کی شرح میں 70 فیصد کمی ریکارڈ کی گئی ہے۔ سیف سٹی منصوبے کے تحت شہر میں 97 فیصد کیمرے دوبارہ فعال کر دیے گئے ہیں جبکہ امن و امان کی صورتحال مزید بہتر بنانے کے لیے مؤثر اقدامات جاری ہیں۔
عالمی یومِ کسٹم کے موقع پر گوادر کسٹم کے زیرِ اہتمام نلینٹ میں تقریب منعقد ہوئی، جس میں اربوں روپے مالیت کی منشیات اور دیگر مضر صحت و ممنوعہ اشیاء تلف کی گئیں۔ اس موقع پر ضلعی انتظامیہ، قانون نافذ کرنے والے اداروں اور دیگر اعلیٰ حکام نے شرکت کی، جبکہ حکام نے اسمگلنگ کے خلاف کارروائیاں مزید تیز کرنے اور نوجوان نسل کو منشیات سے محفوظ رکھنے کے عزم کا اعادہ
قلات خضدار زون میں سڑکوں کے جاری ترقیاتی منصوبوں کے حوالے سے سیکرٹری مواصلات و تعمیرات بابر خان کی زیرِ صدارت جائزہ اجلاس منعقد ہوا، جس میں منصوبوں کی پیش رفت، معیار، شفافیت اور بروقت تکمیل پر زور دیا گیا۔
